زلزله گلنده آذربايجانا

    زلزله گلنده آذربايجانا

                                   یازان: ولي نصيري       

خالقیما ده ییب دیر نه بلالی داش؟

گؤزومده ن قورومور اودور قانلي ياش

بئله گؤرمه يه يديم باجا باجي كاش

عاطفه دردينه دؤزه نمير اينسان

                  ****

ياننام قاراداغ دا ياسلي اهره

ياننام هريس تكي غملي شهره

ياننام لاپ آخشام دان تاكي سحره

درد اودوم سيغيشماز يئر گؤيه اينان

             ****

هاي وورماييم آغلاماييم نئيله ييم

ناحاق قانا باتيب بيزيم ورزيغان

اوزومديل داغيليب ساراسيز قاليب

قان ايچينده چوبالايير ماواز خان

      ****

خان چوبان اؤلوب مو؟ سارام سيزيلدار

من كي دئمه ميشم يارام سيزيلدار

ايسته سن بيله سن هارام سيزيلدار

توفاغي داغيلان ائليمه جان ـ جان

             ****

زلزله گلنده آذربايجانا

پالچيقلار ييخيليب جان وئريب آنا

نصيري گره كدير اود توتا يانا

آي يانان اوره ييم يان گؤينه هر آن

منبع: وبلاگ داینا(ریضا عالی)