نوروز بایرامین میانالی همشهرلریمه تبریک ائدیرم(باهار گلدی چوللر گولور سنده گول.)

باهارین ایلک گونی ،آنا طبیعتین ،یئر کوره سنین دوغوم گونودور.طبیعتین،گول -چئچگین،بیتگیلرین گوزه ل قوشلارین و..آنجاق بوتون گوزللگین شیرین یوخودان آییلان گونودور.من بو گوزه ل آتا-بابا لاریمیزدان قالان شئنلیگ انعنه لری(سنت ها)  آلقیشلایب (استقبال) گوزللیک لری سئون لره تبریک دئیرم.

ایندیسه بیزیم نوروز بایرام گونوموزی دنیا خالقلاری دا تانمیش و بیزلری تبریک ائدیرلر.خاتمی ریس جمهور اولان زامان یونسکو بو گونو رسمیته تانمیش وبهارین بیرینجی گونون یئر کوره سینین آنادان دوغولان گونی آدلاندیریبدیر.              

The UN"s General Assembly recognized the International Day of Nowruz in 2010, describing it as a spring festival of Iranian origin, which has been celebrated for over 3,000 years.[67][68] During the meeting of The Inter-governmental Committee for the Safeguarding of the Intangible Heritage of the United Nations, held between 28 September – 2 October 2009, Nowruz was officially registered on the UNESCO List of the Intangible Cultural Heritage of Humanity.

من بوگون ئوز اوره ک سوزیمی آشاغیداکی عاشیق(کاتب اوغلی) شعریله همشهری لریمه چاتدیررام:

++

گول غنچاسی گولوب دئدی موشتولوق.

باهار گلدی چوللر گولور سنده گول.
قیزیل لاله زینت وئریر هر یانا.
باغدا آچان گوللر گولور سنده گول.

ژاله قونوب قیزیل گوله سونبوله.
بنووشه لر بویون أئییر بولبوله.
گوزل کهلیک داغا سالیب ولوله.
یاغمور یاغیر سئللر گولور سنده گول.

باغچالاردان مئیوه گلیر بار گلیر.
تاقچالاردان غوبار سیلین یارگلیر.
سئوینجیدن دونیا منه دار گلیر.
قالخ آیاقا ائللر گولور سنده گول.

کاتب اوغلو بایرام گلیر یاز گلیر.
بولبول نغمه اوخور خوش آواز گلیر.
باشدا پاپاق آشیق ألده ساز گلیر.
اوخور تورکی دیللر گولور سنده گول.

----------

احمد اسماعیلی

----