مزه لی حکایه

آخشام ساحات دورد یاریم دا ایشدن ئوه گلدیم .قاپینی آچیب ایچه ری گیرن کیمی کورپه ، شیرین دیلی قیزیم قوللاری آچیخ قاچا قاچا گلیپ قوجاغیما آتیلدی . قوللارین برک ،برک بوینوما دولادی . منده اونو قوجاخلایب با غریما باسدیم . ئوزونن ئوپوب نازلاماغا باشلادیم .چانتامی یئره قویدوم . ال اوزومو یویونان سونرا ایله شیب دینجل ماغا باشلادیم . قیزیم دیزیمین اوستونن یئره اوتورموردو ، آناسی ئوز دوپ دئدی : یئرده اوتور آی بالا . باباون یورغوندو . قوی دینجل سین . آما او باخمادی . منده آناسینا ئوز دوتوپ دیدیم : قوی اویناسین . اوشاغدی هیجانی وار ، ایشون اولماسین .
بیز آز اونویاندان سونرا یوخوسو آپاریپ یاتدی . منده بیر چای ایچیب آزجا دینجله نن سونرا ایاغا دوردوم .
من گئدیرم بیردنه روزنامه آلام . ایشون یوخدو ؟ ائشیکدن بیر شئی ایسته میسن ؟ ئوز دوتوب خانیما دئدیم .

قایئداندا بیر دنه بربری آل . منه دئدی .
ئودن ائشیگه چیخدیم ایاغیمی ائشیگه قویان کیمی هامی قونشولارین و کوچه ، خیاباندان گئچن لرین باخیشی منه گوره دیشمیشدی . جاوان قیزلار منه باخیب گولوردولر . قادینلار باخیب ، بعضی سینین آجیغی دوتوب منه یامان دییردیلر . بعضی لری ده منه گئوره ئورگله ری یانیب احوالیما افسوس ئدیردیلر . هامی باخیشلار منه باخیردی منده متوجه اولموردوم .
باخیشلار او قدر آجی و گولوشلو و دانناخلی اولدوغونا گوره ئوزومه گلدیم . بیلدیم کی هامی منه باخیر، منی دانییرلار .
ئوزومه گلیب ، بویانا ، اویانا باخدیم بیر شئی گوره بیلمه دیم . گوره سن شالواریمین زیپی آچیخدی ؟ ئوز ئوزومه دیدیم .
ئوزومه باخیب گوردوم : یوخ شالواریمین زیپی سالمدی . اولمویا کونه گیمی ترسه گیمیشم ؟ گئنه ئوزومه دیدیم . آمما یئنه گوردوم یوخ کوینه گیم ترسه دگیل . هر نه ئوزومه باخدیم بیر شیی بیلمه دیم . جاماعات دلی اولوب منده بیر عیب یوخدو . ئوز ، ئوزومه دئدیم . خیابانین باشینا چاتیب بیر روزنامه آلدیم . گئری قایتدیم . آمما جاماعاتین گوزو مندیدی . دوشونه ،دوشونه گلیردیم بیردن مغازانین آیناسیندا ئوزومو گوردوم . گوزووز یامان گون گورمه سین . جاماعات حاخلی میش . منیم باشیمدا بیر قیرمیزی لاپ یئکه باش گولو واریدی . یادیما دوشدو کی کئورپه قیزیم منن اوینویاندا باش گولوسون منیم باشیما وروپ دئیردی : بابام خوروز اولوب . لاری خوروز اولوب . منده باش گولون اونون باشینا وئریپ دئیر دیم الناز لاری خوروز اولوب . کورپه نین یوخوسو آپارانان سونرا باش گولو یادیمنان چیخیب باشیمدا قالمیشدی . جاماعاتدا ائله بونا گئوره منه گولورموشلر.