ایکی آغاج یول اوستونده بیتمیشدی
چوخ اوجالیب بویا باشا یئتمیشدی
یول اوستونه کولگه لری دوشوردو
یولدان گئچن اوردا بیر ایله شیردی
چوخ دینجه لیب کولگه دن حظ آلیردی
چوخلو زامان اوردا یاتیب قالیردی
بیر آغاجی ایچینن قورت یئمیشدی
همان آغاج یولداشینا دئمیشدی
بئلیم سئنیر گل سن منه یاردیم ائت
الیمنن توت قویما دوشم داده یئت
قوی قولومو سالیم سنون بوینووا
آل سن منی قوجاغووا قوینووا
منده بیر آز جانا گلیب دینجه لیم
قویماگینان منده خیلی اینجه لیم
اونان سونرا سنه زحمتیم اولماز
یاخشی لیقدا قیامته هیچ قالماز
بیر گون سنون ایشون دوشر یولداشا
ایشون دوشر قونشو،قوهوم،قارداشا
یولداش اونا ئوز گئوزونو تورشوتدو
چوخ غیظنن باخیب اونو قورخوتدو
هاوا قارالمیشدی یاغیش یاغیردی
یولداشینین باشینا چوخ چئغیردی
دئدی کس سه سووی آخماخ دانیشما
منن بئله سفیه سفیه یاناشما
من ئوزومده زوران ایاغ اوسته یم
سن اوت اولسون منده سنه توستویم
من آلامم سنی ده ئوز چینی مه
هیچ واخت گئتمز بو سوز منیم بینیمه
همان زامان بیردن ایلدئریم شاخدی
او آغاج دا یولداشینا بیر باخدی
ایلدئریمنان طوفان وئردی ال اله
آغاجین جانی نا دوشدو ولوله
بیر زور وئریب اونو سیندئریب یخدی
ایلدئرئم دا اونون ایشینه باخدی
آغاج دوشدو اوردا سیمین اوستونه
سیمی قیردی سالدی یئرین اوستونه
اورداکی سیم تلگرافین سیمی دی
تلگرافین هم تلفونون سیمی دی
سیم قئریلدی ارتباط دا قطع اولدو
هامی گلیب اوردا مرکزه دولدو
رئییس گلیب ایکی نفر گوندردی
او آغاجی ئوزو اوسته دوندردی
تئلگرافین سیمین بیرده باغلادی
آغاج دوشوب یئره خیلی آغلادی
ایشچیلرده بیر بیرینه باخدیلار
یاپیشقانی سیم اوستونه یاخدیلار
ایشچی دونوب یولداشینا سئویله دی
اونان سونرا اولار گل گور نئیله دی
دئدیلر کی بوردا قالسا بو آغاج
بیر گون یئنه سیمی قیرار بو آغاج
یاخشی دی کی اونودا بیز دوغرویاخ
اونو کسیب تیکه تیکه دوغرویاخ
اوردا قالان آغاجی دا کسدی لر
تیکه تیکه دوغرادیلار کسدیلر
ترکی آذربایجانی
تورکجه شعرلر
حکایت لر
اعضای انجمن(160)
ASGHARIMAMAN )
خانه
مطالب(38)
دوستان (3)
گالری تصاویر (0)
کلیپ‌ها (0)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر
کاکتوس
VvXvF