شعر: تولکو ینن خروض

 

بئله نقل ایله یوب میرزه اباصلت

کلامینه اینان یوخدور سیاست

که بیر تولکو بیزیم کتده ماماندا

کی یعنی غیرت ملک جهاندا

گئچردی کت کناریندان گزرکن

باشینا تافدییب باشین ازرکن

آجیندان لاپ باغیر ساغی قاریلدار

آغاج اوسته قونوب قارقا قاریلدار

دئدی کاش من بو قارقانی یئییدیم

ئوره گیمین سوزون اونا دئییدیم

الیم چاتمیر اونا من نینم الله

آجیندان هئچ دئوزنمیرم ، والله

گلیب چاتدی آغاج آغاج آتدا دایاندی

یئرئوزو لاپ دولو ایلان ، چایاندی

دوتوپ اوز قارقایا دئدی فلانی

سوزومه ائت نظر یوخدور یالانی

ایرحمتلیک آتان گلر یادووا؟

چاغیرسایدون چاتاردی هیچ دادو وا

دوشنده یادیما آتون هر آیه

اوخورام من اونا گونده یوز آیه

اوخویارام اونا من حمدو سوره

دولویدی هرگئجه کاش قبری نوره

بو گونده چوخ دوشوب آتان یادیما

انیپ اوردان گلیدون کاش یانیما

اوچوپ قارقا قونوب آیری بوداغه

چکردی تولکونون قلبینی داغه

دوتوب اوز تولکویه دئدی ا تولکو

سفیه سن ؟ آنامازسان یا کی تولکو ؟ (حیله گر)

منیم آتام هنوز یاشار جاواندی

یئیر خوراکی باخماز کی یاواندی

منی آلتماغ ایستیرسن اوتانماز

تصور ایلییرسن منی قانماز؟

سنون حیلون منه هیچ تاثیر ئتمز

آتام جنگلده دی هیچ یئره گئتمز

منی بیر دفعه آلاتدون  ، یادوندا

پنیری آلدون الیمدن یادوندا

من اوندا اوش کلاسیندا اوخوردوم

گئدردیم مکتبه من درس اوخوردوم

گلیب دوردون دیلووی سالدون ایشه

منی تعریفله دون دئدون همیشه

پرو بالت سیاه رنگ و قشنگ

نیست بالاتر از سیاهی رنگ

من آخماخدا سنون ئویدوم فیلیوه

قارا قاش گوزووه شیرین دیلیوه

پنیر دوشدو منیم آغزیمدان اول دم

پنیری آلماغا من اولدوم ملزم

پنیری تئز گوتوروپ قاشدون اوردان

دئمه دون کی پنیر گلیبدی هاردان؟

او واختدان سنه واریم چوخلو نفرت

تنفر ایله رم  هم خیلی نفرت

قاناد چالیب اوچوپ گئتدی او قارقا

یئنه تولکونون الی قالدی داردا

یاواش یاواش یئنه یولا دوزولدو

آجیندان لاپ اونون گوزو سوزولدو

گه ناکه بیر سس ائشتدی قولاغی

اونوتدو چایلاغی سووو بالاغی

اوخویوردو تویوق ایلردی آواز

دیه سن واردی بو سسده نئجه راز

سروش  غیبی دی ، الله ندور بو

الهی یاندی قلبیم وئر منه سو

ائشقلاندی گوزو دوردو ایاغه

دوتوب اوز چوخ یئیئنده گلدی باغه

باخیب بیر منظره گوردو او باغدا

چوبان ایتی هورردی اوردا داغدا

باخیب گوردو کی بیر سورو تویوغ وار

نئچه جوجه نئچه فریک ، تویوغ وار

دئدی چوخ شوکر من چاتدیم مراده

گرگ من قالدیریدیم ایندی باده

ولی بو ایش گرک قالسین سورایه

چاغیردیم تانرینی چاتدی هرایه

یاواش یاواش یاتا یاتا گلیردی

هیجان آز قالا کونلون دلیردی

تویوقلارا یئتیشر کن دایاندی

خروض باخیب اونو گورجک اویاندی

قانادلارین چالیب تئز چکدی فریاد

دئدی تولکو گلیر ای داد وبیداد

تویوغلار جوجوجه لر قاشدی قوتاردی

آچیب آغزین خروضودا توتاردی

باتیردی دیشلرین خروض اتینه

دئدی آخماخ منی سالدون چئتینه

منه آلله یئتیرن روزو قاشدی

قاچیب ایندی او داغلاریدا آشدی

دئدی خروض ندور منیم گناهیم

چکیلر گویلره فریادیم ،آهیم

قیرار زنجیرلری مظلومین آهی

دییرسن یوخدو مظلومین پناهی

دئدی تولکو: سن الله چوخ دانیشما

بو جور ایشله ره سنده چوخ قاریشما

دییرسن کی سنون یوخدور گناهون

سایارام من سنون نئچه گناهون

چکیب فریاد دئدی خروض : ای وای

کیشی سن گر گناهیمین بیرین سای

دئدی تولکو : ا یا کافیر و دینسیز

الیر سان گونده چوخ آرواد کبین سیز

ینه اذعان ئدیرسن یوخ گناهون

چکیر سن گوی لره فریادون آهون

او دم گوردو کی ایتلر چوخ هوروللر

قووللار تولکونو ، اونو دووللر

 دئدی تولکو گوره سن نینیم الله

چاتالار منی توتارلار بلله

خروضون باشینا بیر فیکر چاتدی

بو اندیشه اونون بینینه یاتدی

دئدی تولکویه : بیر فیکریم واریمدی

منیم کی ایندی جانیم دا یاریمدی

دئدی تولکو : تئز اول سن دی سوزووو

وگرنه من چئخاردارام گوزووو

دیدی خروض : گلرسن بوینووو چوخدا ایرسن

دوتوب ئوز ایتلره بیله دئیرسن

همیشه قورخوموشام تولادان ایتدن

بونومن دوتموشام بیر آیری کتدن

سوزون کندین دییر والله بو خروض

 بیر آیری کتدیدی بلله بو خوروض

 آ چیلجاخ تولکونون دیشلری آغزی

قوتاردی غصه دن خوروض بوغازی

اورادا واریدی بیر سلم آغاجی

خروضون دردینین اولدو علاجی

خروض جهد ایلیب بیردن آتیلدی

آغاجین باشینا یئردن آتیلدی

باخیب غیضیله تولکو او خروضا

دئدی لعنت گلیدی او آغیزا

نه پیس واختا آچیلدی منیم آغزیم

بچیلیدی منیم ای کاش بوغازیم

دئدی خروض منه لعنت اوزومه

بو بی موقع یومولان او گوزومه