وطن شعری

سنون آدووی یازدیم آغ کاغاذین اوستونه

آمما گرک یازام من ، ئورگه جان اوستونه .

آخی سنون آدووون چوخلو هیجانی وار

 الین دامارلاریندا آخان قیزیل قانی وار

منیم گوزل وطنیم سنون آدوندا جان وار

منیم گوزل وطنیم سنون آدوندا جان وار

آخار جوشغون چایلارون

باش قالدیرار گویلره سنون اوجا داغلارون

چمنلیکده اوتلویار سنون قوزو جیرانون

بار گتیرر یاز فصلی سنون میوه باغلارون

ای منیم روحوم ، جانیم

گوزل آذربایجانیم

من آنامی چاغیرسام  ، آنام منه جان دئیر

سنون آدون گلنده ، هامی سنه جان دئیر

هامی بیزیم وطنه آذربایجان دئیر

سن منه بیر آناسان ، منده  بیر اوشاق کیمی

باش قویارام دئزیووه ، بیر کئورپه اوشاق کیمی

ای وطن بو گون سنون ، ئوره گون پارچالانیب

اهرون ، ورزقانون ئورکدن یارالانیب

اما بیز اوشاقلارون ، وئرجییک ال اله

سنی ساغلام ایله ییب ، دوزلده ریک بیز هله