شعر یاغیش

بو کئچن گون یئنه ده یاغدی یاغش

کئجه نی صبحه کیمین یاغدی یاغیش

کوچه نین توپراغی دا اولدو چامیر

هم داغا ، هم آرانا یاغدی یاغیش

توپراغین خوش قوخوسو قالخدی گویه

هم گوله هم ، هم آغاجا یاغدی یاغیش

من آتام گیلده اوتورموشدوم او گون

بیر ده گئوردوم دئدیلر یاغدی یاغیش

ائلدئریم شاخدی او گون گویلرده

شیر ها شیر سسله یامان یاغدی یاغیش

دامجی لار هر دم دییرلر شوشویه

چوخ حرارتله اوزون یاغدی یاغیش

کوچه لرده سو دوروب دوندو گوله

دئیه سن کی دنیزه یاغدی یاغیش

دامجی لار دوشدوگجن سو ئوزونه

ایله سن میروار تک یاغدی یاغیش

هامی کس الده گوتورموشدو چتیر

چتیرین اوستونه چوخ یاغدی یاغیش

امما من چتریمی بوکموشدوم او گون

باشیما، پالتاریما یاغدی یاغیش

یاغیشیندا ئوزونه عالمی وار

دی اباصلت نه گوزل یاغدی یاغیش