شعر

گئجه دی من باخیرام گوی ده آیا

او آیی کی شاپاغی دوشوب چایا

گوزوموزیلییب الدوز ساییرام

اما افسوس کی اولار گلمیر سایا

گورورم هر دفه بیر الدوز اخیر

دئییسن بلکه آخیب دوشور چایا

گورسن کیمسه نین عومرو قوتاریب

قوتاریب عومروکوچور اودونیایا

روحومون قوشو اوچوپ سیر ایله ییر

یادیما دوشدو بیر آن جیده قایا

یاییدی بیر گون بیزه گلدی قوناق

بیر گوزل که صفتی بنزر آیا

اوجا بوی ،قامتی سرو لاله یاناق

قاش لاری بنزییراوچ گونوگ آیا

لبی قند ،صحبتی بال ،کیپریگی اوخ

بو گوزل حوریه بنزر نه آیا

دئدیلر گلون صاباح گئدک گزک

قرارا گلدیک گئدک استی سویا

صبحه تک یاتمادیم هیچ من اوگئجه

تا خروز بانادی قالخدیم ایاغا

تئز دوروب پالتاری چکدیم بده نه

بورک باشا باشماغی گیدیم ایاغا

هامی دورموشدو گئینمیشدی لباس

یولوگوسترمگه دوشدوم قاباغا

خیلی یول گئدیک او گون بیز هامی میز

آز قالا لاپ اوخشویوردوخ شالاغا

آخشام اوستو کی ایستیردیک قایداخ

دئدی گل شرط ایلی یک قووشماغا

قووشاخ کنده قدر بیز ایکی میز

دیدی آما اوتوزارسان حاج آغا

بیر ، ایکی، اوچ دئییب یولاندیق

یئیین قاشماغ ایچون منده  توپوردوم دابانا

مین متیر اولی او قاچدی یئیین

یاریشین اولی دوشدو قاباغا

یورولوپ یولدا دایاندی او گوزل

من گلیب یولدا سووشدوم قاباغا

گون باتان واختا یئتیشدیم آخیرا

هم گلیب چاتدیم او خیردا قالاغا

اوردا بیر داش واریدی چوخ دا یکه

اوتوروب باشلادیم توشاماغا

چوخ زامان گئچدی گلیب چیخمادی او

ئوره گیم یاندی منیم او قوناغا

زمزمه ایله دئدیم ئوز ئوزومه

دور گئت آختار قوناغی دوش قاباغا

دابان آلدیم یول اوزون قاشماغا من

تا گلیب تاپدیم اونومن به مثال توسباغا

یورولوب یولدا اوتورموشدو هنوز

گون باتیب آزدا قالیب قاش قارالا

منی گورجک دئدی سن نامرد سن

سوزون ایلده ایلی یللر بیله حرمت قوناغا

ئوز دوتوب سویله دیم او نازیک بدنه

ای گوزل سن منی ترغیب  ایله دون قووشماغ

چوخ یورولوبسان اگر مین دالیما

بیزیم ایللر ایلییرلر بیله حرمت قوناغا

بیز قوناغی گویاریخ گوز اوستونه

باورون یوخ بیز باشلا سیناغا