بیر اوزون شعر(یئترکی بیر دوست خوش اولسون)

گئجه یاغیشلی

کوچه داریسقال-

چیراقلار سؤنوک...!

هارا چاتاجاغیمی بیلمه دن قاچیرام-

چانتام گؤزلرینله دولو-

گله جه ییمی آلیشدیراجاق اولان او گؤزلرینله!!!!

قاچیرام قان تر ایچینده-

آرخامجا سورونور یازیق کؤلگه م-

یورغون و بیتگین-

*اوتور بیر آز دینجه لیم* دئییر-

*یادا اؤزون گئت منسیز*

منی یالقیز بوراخیر کوچه نین اورتاسیندا-

سن بوراخدیغین کیمی....!

فیلمه بنزیر سئوگیلر-

بوراسی کوچه نین سونو-

فیلمین ده سونو-

من قالمیشام آرزولاریملا دولو کوچه ده-

و الیمده کی چانتام-

گؤزلرینله دولودور هله....