" معلم شعری " ؛ معلم گونو بوتون معلم لره موبارک اولسون

             میضراب کیمی کؤنلوم سازینی چالدی معلیم

دردی کدری اؤز جانینا آلدی معلیم

       یوخدور اونا تای هر نه کی گزدیم  یارانیشدان

 شان شان اریمیش شیشه ده کی بالدی معلیم

            نازین چکیر اوره نجیلرین چون آنالار تک

آی اوسدونه قونموش قارا بیر خالدی معلیم

      انسان بئجرن شمع ایدی فرزانه لیگینن

 یاندیقجا بوتون عالمه نور سالدی معلیم

خلقتده بئله حسنه برابر اولا حاشا

   قاچدی هامیلار مهلکه ده قالدی معلیم

        آختارما اونا تای کی چتین دیر اولا مثلی

شاهنامه ده رستم آدینا زالدی معلیم

          ناققیشلا ، سینیخ ساخسیلارین نازینی چکمیش

  حالیسز لار ایچینده بیر اویاق حالدی معلیم

          میزان دیراگر سوز تَرَزین (ائلچی)دانیشما

                             عشقین آلووون شوقونا تونقالدی معلیم