متن شبیه خوانی حضرت قاسم(ع)

                                  (بسم الله الرحمن الرحیم)

*مکالمه شبیه خوانی حضرت قاسم(ع)*

ای خدا عهد اتمیشم با شور وشین
من غلام حلقه بر گوشم حسین
گلمیشم کرب و بلایه جان نثار شیعیان
من فدای دوستان و شیعیانم ای خدا
من فداکار قطیل کربلایم ای خدا
بضعه ی جان و تن خیرالورایم ای خدا
گلمیشم کرب و بلایه امته قوربان اولام
ور مگه جان انتظار اشقیای ای خدا


***

بار الها بو نه چولدی بورویوب عالمی طوفان
یاغری دشت ماریه یرینه گنه قان
گنه صحرا و بیابانی دوتوب لشکر عدوان
شمر دیوانه ایدوب ری طبرستان هوسی
آتلارین شیهه سی شمشیر سسی
کی ای شهنشه دوران عمو سلام علیک
بساطی قرب سلیمان عمو سلام علیک
اجازه ور منه اکبر کیمی اولوم قوربان
گیدیم عمو اوغلوما مهمان عمو سلام علیک


***

قوربان اولوم او گوز یاشوا آغلاما عمو
من بی کسی غم آتشینه داغلاما عمو
گیدیر کفن بلیمه قلنج باغلا سال یولا
بسدور داخی  یانوندا منی ساخلاما عمو
           

             ***            
دوشن عمو نظریندن غریب جانیم وای
اورکده دردی قالان بی طبیب جانیم وای

***
ندیم نه چاره آنا اولمیوم بو دمده ملول
عموم کی ایتمدی قربانوی بو گونده قبول

***

قوربان اولوم بوخطوه ای باب اطهرم
کامی که خواستم ز خدا شد میسرم
مراد و کامه یتیشدیم تاپولدی درمانیم
شهیدی اولماقا وار الده یاخشی فرمانیم
آتا اگر اوغولون قتلینه یازا فرمان
نجه قبول اولونماز اولوم سنه قوربان
آتام وصیتیدی قوی عمو یرین آلسون
مرخص ایله گدیم قوی غریب آنام قالسون

***

خداحافظ ای بانوان حرم
حریم خدا خاندان کرم
خداحافظ ای اوغلی اولموش حسین
گلستان عیشی پوزولمش حسین
خداحافظ ای اکبرین خواهری
یادوندان چخاتما بو بی یاوری
سکینه به جان شه کربلا
گلین باجوی قویما یالقوز قالا
عزیز حیدر صفدر عمو خداحافظ
پناه آل پیمبر عمو خداحافظ
شهادته گیدیرم  حقوی حلال ایله
جفامی  چکمیسن ایللر عمو خداحافظ

***

منم ای شغالان دشت ضلال
ولی زاده ی حضرت ذوالجلاح
منم که شه ممتحن اوغلیام
نجیبم امام حسن اوغلیام
بون گون حیدرانه بیله جنگ ایدیم
بو میدانی بو لشکره تنگ ایدیم
وار اولسا بو لشکرده بیر نامدار
قدم جنگه قویسون ایدک کارزار


***

منی بو لشکره بی شرم و حیادن خبر آل
گیت وفا صاحبینی اهل جفادن خبرآل
کربلا شاهی عموم چون منی داماد ایلیوب
باخگنان اللریمه قانلی حنادن خبر آل
رقم قتلوی قاسم آدینا چرخ یازوب
علتین گردش تقدیر قضادن خبر آل
ضربت پنجه  بازومی گوروب دورد اوغولون
گت جهنمده اواولاد خطادن خبر آل


***

دیمه غافلم چک سپر باشوه
خبر ایله اوز قوم و قارداشوه
که ای یادگار شه مشرقین
علی اوغلی سندن مدد یا حسین
ترحمله بیر باخ منه یا حسین
نجه غالبم دشمنه یا حسین

***

د گول بیزده عادت ایا بت پرست
اولاق رزمیده دشمنه پیش دست


***

ادوب فتح شهباز و شهپر عمو
شکاریم اولوب بیر قضنفر عمو
قشون قرمشام ای شه کربلا
یتوب جانیمه هر طرفدن بلا
پوزوب صفلری یخمشام بیرقی
شجاعتله اولدورمیشم ازرقی
بو گون سندن ای کان جود و کرم
هنر قیلمشام جایزه ایسترم

***

سولوب غنچه لیقدان گولوم العطش
یانوبدور دوداقیم دیلیم العطش

***

آغلاما من سو دیوب یانسام رضایم ای عمو
کربلاده تشنه دوغرانسام رضایم ای عمو
چکمه خجلت سال یولا قوی من گیدیم میدانیمه
سینه دن واللهی اوخلانسام رضایم ای عمو

نه ساکت سوز ای لشکر کوفیان
بو لشکر بو میدان بو من بیر جوان
هانی بیر شجاع و رشید و دلیر
قدم جنگه قویسون دوروب نر شیر


***

اولدوم دچار لشکر اشراره ای عمو
یوخ بیر نفر کمک منه بی یاره ای عمو
بیر تیر چون سینم آراسیندان ویروبدلار
چخمور سسیم کی سینم اولوب پاره ای عمو

***

                                          اجرکم عندالله