آمان آمان آیریلیق

ائندیرین

آمان آمان آیریلیق، اولور یامان آیریلیق

ائشیدنده باشیمدان، قوپور دومان آیریلیق

قوشلار اوچور کوللاردا،گول بوتاسی قوللاردا

هارداسان یاریم هاردا، گؤزوم قالدی یوللاردا

عاشیق شیرین جانه، اولموشام دیوانه

آتیب گئتدیب منی، قالمیشام یانا یانا

ائیله دی قهری منه، گلمدی رحمی منه

دولدوروب قم پیاله سین، ایچدیریر زهری منه

یار شیرین سؤزلریندن، دویمادیم سؤزلریندن

بیلسه یدیم آیریلقیدیر، اؤپردیم گؤزلریندن

ایلقارین اولدو یالان، قلبیمه دوشدو تالان

آیریلسین آیری دوشسون، بیزه آیریلیق سالان

قوشلار اوچور کوللاردا،گول بوتاسی قوللاردا

هارداسان یاریم هاردا، گؤزوم قالدی یوللاردا

عاشیق شیرین جانه، اولموشام دیوانه

آتیب گئتدیب منی، قالمیشام یانا یانا