آنا دیلیم، کولتوروم هارداسان!؟ ?!(Ana Dili

  ("بیر ایصفهان ایله تبریزده یاشامئش ایللرجه عومور سورموش بیر آذربایجانلی اولاراق بوتون وطنداشلارئما

دئملیم کی:

      ... گچمیشیمز دولوسو وگونوموزده حاضئر تاریخسَل اثر سایئسئ باخئمئندان شانلئ آذربایجانئمئزئن یوکسک

دورومو ایصفهان لا قیاصلانامازکن مع الاسف گوزل آذربایجانئمئز یتیشیلممیش صاحیبسیز آبیده لر، هیکل لر، بینالار

و... اونلارا چکی دوزن وریلممکدن، باخئمسئزلئقدان و بوتون بونلارلا بیرلیکده گوروشچوسوزلوکدن یئپرانمئش،

سولوق بیر وضعیتده دیر! ... اونلارئنکئلار هرآن دیللده، گوزده، نظرده؛ بیزیمکیلرسه...")

        ایندی سایئن دیلداش لارئم! بیر شرائیطده کی «اوزوموزدن باشلاماساق هئچ بیر یره یتیشه بیلمیز دیر حالیمیز!» داها گِج اُلمادان بو گوزل سایتئن بو صفحه سینده سیزدن ایستکلریم بونلاردیر کی لوطفا آشاغئداکی یازیلاری بیر یِرله بیر اُلموش، اَزیلمیش، سینسیمش(1) داغ کیمی ایلاهی گؤجلؤ آذری تورک اَردمینین میلیونلاردان بیر منسوبونون سؤزؤ سیره و اوصلوبو اولاراق مَنیمسَیین و جانِ گونولدن یانئت ورین:

1- یوخارئدا یازدئغئم دئرناق آراسئنداکی سوزلری بیر آنادیلنی اُنمسین تورک کیمی  اَن راحات ایلک ایش اُلاراق، لاتینجیه باشدان یازئن. («باشدان یازئ ورین» دِسَم داها آنلاملئ اولار آما بو ایکی طرزین معنا فرقینی گوزل تورکجمیزده داها ایلری لَمیشدن سونرالاردا آچئخلایاجاغام)

       لاتئنجا یازماق منیم اؤنَردییم* بیر یؤنتَم دییل* آما آنا دیلیمزی داها دوغرو و سورعت له یازما اُخوما قاعیده لرینی اویرنمک اوچون بیر یول اُلا بیلَر. اُ الیفبانئن بُیوک ایکی اُزَللییی*(خصوصیتی) 1- حرف، حرف یاپئشمایاراق یازئلا بیلمه سی 2- نِچه بیربیرینه یاخئن سَسلی حَرف لَرَه داها قدیمدن+ یِنی سِچَنَک لَر (موختَلیف سَسلَری عیناً یازئب ویازارئن یازدئغئ کیمی اُخوماغا آیرئ آیرئ اینتخاب لار) سونولماسئ اؤچؤن اَ خط له یازماق اوخوماق آنا دیلیمیزین سؤزجوک (کلمه)لَرینی داها مؤشَخَص اَزبرَیمیزه وِرمَیَه* یاردئمجئ اُلا بیلَر.

2-  ایکینجی ایستک اُلاراق اونلارئ فارسجایا چِویرین. اؤزونوزه بیر مشق کیمی بیراز واخت آیئرئرسانئز بیرلیکده داها چوخ یول آلا بیلَریک!

       چِوری یاپماک (ترجومه اِتمک) بَللی کی چوخ تجروبه وتخصوص گَرَکدیرَن بیر مسلکدیر آما منده سیزین بیر چوخونوز کیمی هئچ بیر ایدیعام یوخدور و اؤز ارزومه هر زامان دییرم کی نه زامانا دَک اَلی اَل أوستونه قُیوب گؤزلَمَلییک بیر مونجی چئخئب بیزیم آنا دیلیمیزه بیر ثابیت ایستاندارد وراحات رَسمؤالخط اِدینَجَک(ایرائه وِرَجَک) و بو صفحه نی بو سایت دا بیربیریمیزه بیلدیک لریمیزی اویرتممیز* اوچون سیزین ایذنینیزله آچیرام و سیز عزیزلرده گؤروب تانئدیغیئم جؤرأت وشهامتدن آلدیئغئم گؤجله بونلارئ جسارت اُلاراق قلمه آلئرام. وخاطئرلاتمالئیام کی آنا دیلیمیز حاقئندا اؤتوز ایللَره دایانان آراشدئرمالار و تجرؤبه لری سیزلَرَه مؤنتقیل اِتمَیه* چالئشئرام.

باخئن «قاچئنئلماز» لا «قاچئرئلماز» سؤزجوک لَرین فرقینی آنلاتمایا*دک سیزینلَیَم اَیَر ایفتیخار وِریرسینیز! بیلمَدیکلریمیده سُروشارسانئز آراشدئرئب اویرَنیب جَوابئنئزی وِرمَیه* چالئشارام!

     اومورام (اؤمؤدوارام)کی بو ایشده منی مؤشاییعت اِدَجَکسینیز! ایندی دن یازدیقلارئمدا داها چوخ یالنئشلئق لار اُلدوغونو بیلیرَم اُنلاردان داها راحات بَللی اُلانلار *لا علامتلَدیک لریمدیرلَر. اُنلاری داها سونرالار نِجه یازئب نِجه اُخویاجاغئمئز حاقئندا بیر شِیلر اؤیرَنَجییک* بیرلیکده! و حَرَکه لَریده ایندیلیک، گؤزلَریمیز بو رَقَم یازمایا* آلئشاندانادَک یازئرام و داها سُنرا اونلارئ قویماغا دا احتیاج اُلمایاجاق! اینشاء آلله

3- بیر جومله و یا پاراگراف فارس یازئسئنی آذریجه لاتین فونت لارلا یازین وهانکئ حرفین اُرادا هئچ ایشلَنیب ایشلَنه بیلمدییینی* مؤقاییسه اِدیننیز! 

جَوابلارئنیز و چالئشدئقلارئنئزی بورایا (بو صفحیه) اکلیین (علاوه اِدین)! ویا منه e مکتوب گؤندَرین! canimturkiyem7@gmail.com ویا siamak.aziziasl@gmail.com

 (1)باخئن سینسیدیریلمیش دمیرم بونو دیینلر یا دردی تانئمامئشلار کی درمان سوراغلیالار یا دا کی بیزدن دییللر* و آذربایجانئن داها چوخ باش آغرئسینئ ایستییللر)