دمش گرم(شعر مازندرانی)

هواره مشت ابر بیته،دمش گرم
کهو میره شه ور بیته،دمش گرم
سیو بیه هوا،گم بیه آفتاب
دتا دسته شه سر بیته،دمش گرم
وارش بیته هوا تیم تیم دیاره
زمینه خنده ور بیته،دمش گرم
ببار وارش،بشن صلح وصفاره
خشحالی اینجه سر بیته،دمش گرم
سو بیه اینجه اونجه مشته تی تی
سبزه گل ره نظر بیته،دمش گرم
عجب بیه قشنگ تا چش دیاری
خدایی اینجه پر بیته،دمش گرم
او بیته کله ره،روش کشنه روش
تیلندی بال وپر بیته،دمش گرم
دپته بوی نحنا،اونجه پخشه
علف ره اونجه قهر بیته،دمش گرم
بورم شکر هاکنم جان خداره
هدایی سر تا سر بیته،دمش گرم