داریخدیم

یامان قریبسه دیم بو آخشام چاغی
گوزلرین یادیما دوشدو داریخدیم
آیریلیغ اووچوسو منی اوخلادی
اوخو اوره ییمی دئشدی داریخدیم

دوشوبدور یادیما سئوگینین یازی
آخدی گوزلریمین جوشغون آرازی
کؤکله ندی یئنه ده سینه مین سازی
تئللرینه نغمه قوشدو داریخدیم

حسرتلی بیر عؤمور سورورم ایندی
حسرتین ساچینی هؤرورم ایندی
ساچیمدا دن لری گؤرورم ایندی
جاوانلیقین قوشو اوچدو داریخدیم

آذراوغلو