یئنی یاریش! کیم سایتین اوشاقلارینی یاخشی تانیییر؟! (طنز)

هرکسه سئوگی دولو سلام‏لاریمی سایغی‏لاریمی سونورام. 

کئچن گونلرده قیزلاردان نئچه ‏سی یاریش قویدولار. دوسلارین دا چوخو گلدی یاریشا قاتیلدی و اویلاما فیلان اولدو یاریشی قازانان دا اؤدولـله ندی. آما بو منه چوخ آغیر گلدی! نئجه یانی قیزلار هم یاریش قویوسونلار هم آپاریجیلیق ائتسینلر [پیس پیس ده یاریشی قازانسین‏لار! ] نییه بیز اوغلان‏لارین قیزلاردان نه‏ یی اسکیک‏دیر؟! [چوخ چوخ عوذور ایستیرم ... ده آرتیق دیر!] 

اونا گؤره تصمیم توتدوم کی بو یاریشی یولا سالام.  یاریشین دا قانون‏لاری چوخ ساده‏ دیر. آشاغیداکی 4جاوابلی سورغولاری اوخویون دوغرو جاوابی سئچین. سورغولارین هامیسینی دوغرو جاوابلایان یاریشی قازاناجاق. آرتیق بوردا تبلیغ مبلیغ یئریمز! بوردا گرک سورغولاری اوخویوب دوغرو جاوابی سئچه سن. تقلب ده آزاددیر! جاوبلارینیزی دا ائله بوردا (نظرلرده) یازین. خصوصی موصوصیمیز ده یوخدو!

فقط ایندی دئییرسینیز بلکه هامی بوتون سورغولاری دوغرو جاوابلادی، اوندا اؤدول کیمه یئتیشه‏ جک؟! سورغولاری دوغرو جاوابلایان بیرنفردن چوخ اولسا کی بو احتمال دا چوخدو داها بیز قیزلار کیمی اویلاما مویلاما گؤزله‏ ینمه‏ ریک! ائله دوغرو جاوابلایان‏لار آراسیندا  بیردنه پوشک آتاجاغام. هرکیمه چیخسا اؤدول اونون اولاجاق!

سورغولار، بیر نئچه عضوون نظرلریندن و یازیلاریندان تقلید اولونوب. سیز اونلاری اوخویوب و دئیه جکسینیزکی او جومله لر هانسی عضودن دیر. فقط آدی چکیلن عضولر اؤز بؤیوکلوکلرینه منی باغیشلاسینلار. هدف دیلخوشلوقدور!

کئچک سورغولارا:

1- بو سؤز کیمدن دیر؟!

یاشا جان قارداشیم.

چوخ ساغول گلیب دینله دینیز.

سئویندیم کی اوره گینیزه یاتیب. 

1- ائلی!

2- دالغا تورک سوی!

3- محمد ساوالان!

4- بهزاد زالی!

2- بو باخیش کیمدن دیر؟

سایین حؤرمتلی عزیز مهدی بی جنابلاری قارداشیم! ....

چوخ سئویندیم سیزی بوردا گؤردوم.... خخخخخخخ .... گلیشیزه میننتدارام....

بیز فخر ائلیریک سنه!! .... سنین کیمی حؤرمتلی سایین گؤزل اینسانا و دیلداشیما عزیز مهدی بی قارداشیم اوغورلار اولسون...

1- تانسو!

2- ساری تئل!

3-ائلتاج!

4- سئودا زیادپور!

3- بو یازی کیمدن دیر؟!

هاوا سوگوق لاشیپ منه سوگوق دگیپ. ایستیگیرم اؤگدن ائشیگه چیخیپ توگوق آلام. بیردنه سوگوق دگمه حببی ده آلاجییام!! 

1- ائلی!

2- ائلی!

3- ائلی!

4- ائلی! (چون گونئیده هامی بیلیر ائلی دن سونرا کیمسه بوبئله یوموشاق گ-ی ییغشیدیرانماز اونا گؤره بوتون گزینه لر ائلی اولدو!! ) 

4- "کپی گؤتوردوم سونرا گلیب اوخویا جه م  " هانسی حضرتین فرماییش لریندن دیر؟!

1- آیسوتورک!

2- ساری تئل!

3- تانسو!

4- سئودا زیادپور!

5- سایتین ان آت سئور قیزی کیمدی؟!

1- ساری تئل!

2- قیرمیزی تئل!

3- نوک میدادی تئل!

4- ساری خییار!

6- بو نوع جاوابلاما کیمدن دیر؟

سایین یاشاسین آذربایجان! بو مسئله نین مثبت و منفی یؤنلرینی نظرده آلارق تصمیم توتمالیییق. دیل قونوسوندا نه قدر یازسا بیلسک او قدر یاخشی دیر آنجاق دوغرو یازماغا داها اؤنم وئرمه لیییک!

اوغورلار

1- محمد ائلدار!

2- ائلی!

3- محمد ساوالان!

4- بهزاد زالی!

7- مسدود اولانلارین سروری کیمدیر؟! 

1- محمد ائلدار!

2- دالغا تورک سوی!

3-  آیسوتورک!

4-  موغان قیزی!

بوقدر یئتر! یوخاریدا کی سورغولاری دوز جاوبلایاندان سونرا بیردستگاه پژو GLX و 50-60 دنه قیزیل سیککه و بیردنه تورکییه  سیاحتی تورون قرعه کشی سینده شیرکت ائتمه یه جکسن کی بو قدر دیققت ائله ییرسن! نهایت بیردنه 2مینلیک شارژ قازاناجاقسان!