طالعیمه سن باخ دوشونجه لریم یاساق
دویغولاریم یاساق
کئچمیشیمدن سؤز آچماغیم یاساق
آتا بابامین آدین چکمه ییم یاساق
آنامدان آد آپارماغیم یاساق

بیلیرسن آنادان دوغولاندان بئله
اؤزوم بیلمه یه بیلمه یه
دیل آچیب دانیشدیغیم دیلده
دانیشماغیم یاساق ایمیش یاساق

قارغیش زمانه نین قانون لارینا
قارغیش اورکلری آییرانلارا
قارغیش اینسانلاری قفسه سالیب
بشر حقوقوندان دم وورانلارا

گرک گؤزلریندن گؤز اؤرته هرکس
قارغا یواسینا یاناشا اگر
نییه وطنیمی سئومه ییم نییه؟
من بیر قارغادان اسگییم مگر؟

من دئمیرم اوستون نیژاددانام من
دئمیرم ائللریم ائللردن باشدیر
منیم مسلکیمده منیم یولومدا
میللت لر هامیسی دوستدور قارداشدیر

پوزماق ایسته میرم من بیرلیک لری
اینسانلیق بیرلییی ایده آلیمدیر
قارداشلیق ، یولداشلیق ، ابدی باریش
دونیادا ان بؤیوک آرزولاریمدیر

آنجاق بیر سؤزوم وار منده اینسانام
دیلیم وار ، خالقیم وار ، یوردوم یووام وار
یئردن چیخمامیشام گؤبه لک کیمی
آدامام، حاققیم وار ائلیم اوبام وار
بولود قاراچورلو(سهند)

آلبوم: تصاویر مربوط به مطالب

 

عنوان:

sonulur behzad qardaşıma

کد برای مطالب، وب سایت و وبلاگ: بازدید کل: 51 بازدید امروز: 50

این تصویر توسط موسی اصلانی بررسی شده است.

توضیحات: