بیریولدا بله دییح

هرنه دوز سوز ده دیم بو ملته هچ ده میله مرحبا

                بیریولدا بله دییح                  
هر نه وئرسن، وئر، مبادا، وئرمه بیر درهم زکات،
قوی آجیندان اؤلسه اولسون، بینوا کندلی و تات.
هر نه دوز وئرسن، وئر، اوغلوم، بورجونو وئرمه تمام،
هر نه آلسان، آل، آماندیر، آلما کاسب دن سلام.
هر نه ائتسن ائت، ولاکن ائتمه مئیدن اجتناب،
هر نه دوتسان، دوت، مبادا دوتما بیر کار صواب.
هر نه چکسن، چک، ولی چکمه خجالت قُبحدن،
هاردا یاتسان، یات، آییلما، دورما هرگز صبحدن.
هر یئره گلسن، گل، اما گلمه درسه، مکتبه،
هر کسه اویسان، اوی، اما اویما دینه، مذهبه.
هر نه چکسن، چک، برادر، چکمه دوز میزانینی،
چکمه سن ملت غمین، چکمه، چک اؤز قلیانینی.
باخماسن ایتامه، باخما، باخما، باخ لعبتلره،
گلمه سن ایمانه، گلمه، گلمه، گل لعنت لره.
اولماسان بیر خیره باعث، اولما، اول باعث شره،
ائتمه سن امداد، ائتمه، ائت ستم عاجزلره.