صفحه اصلی انجمن ها تبلیغات اعضا تصاویر کلیپ ها صوتی گزارش تخلف حمایت مالی ثبت نام

به علت هزینه های بالا ممکن است سایت از دسترس خارج شود.
لطفا ما را در اینستاگرام دنبال کنید.

رتبه کلی: 1812

درباره من

بیوک اشرفی ( آفلاین

BIOK )

صبر ائیله

چگونگی درج آگهی در سایت و قسمت تبلیغات

سایت و اپلیکیشن آموزش زبان انگلیسی urg.ir

درج آگهی

تبلیغات

درج شده در تاریخ ۹۰/۰۴/۰۸ ساعت 21:39 بازدید کل: 453 بازدید امروز: 176
صبر ائیله! بلای فقره دوشدون، راضی اول، بیچاره، صبر ائیله! اوزون اولدیسه گر کلفت یانیندا قاره، صبر ائیله! اسیر قید فقر اولدون، یازیق، تسلیم حرمان اول! چالیشما، بیر ایشه گئتمه، فقط مأیوس و نالان اول! قضایه چاره یوخ، گریان اول، عریان اول، پریشان اول! صبور اول، شاکر اول، یعنی مسلمان اول! مسلمان اول! چاتار اؤز رزق مقسومون، دولان آواره، صبر ائیله! بلای فقره دوشدون، راضی اول، بیچاره، صبر ائیله! معاشین تا کی، تنگ اولدو، انیس اول درد و محنتله! بوش اول، سست اول، امیدین قطع قیل، یار اول عطالتله! بونو تقدیره نسبت وئر، یاشا دائم رذالتله! هواده سئیر ائدن انسانه باخما چشم غیرتله! بوراخ کسبی، اونوت سعی یی، یاپیشما کاره، صبر ائیله! بلای فقره دوشدون، راضی اول، بیچاره، صبر ائیله! یئترکن ظالمین ظلمو سنه، دؤور قضادن بیل! چاتار کن آمرین زجری، اونو سییر سمادن بیل! اؤزون اؤز عجزینه باعث اولورکن، ماسوادن بیل! بو مسئومیتی بیگانه دن گؤر، آشنادن بیل! ازیل، پامال اول، آختارما بونا بیر چاره، صبر ائیله! بلای فقره دوشدون، راضی اول، بیچاره، صبر ائیله! اگر چوخ تنگدل اولسان بو ایشدن، قیل فغان، آغلا! گیریشمه باشقا بیر تدبیره، آنجاق هر زمان آغلا! بوتون دونیادن ال چک، آشکار آغلا، نهان آغلا! قاپانسین گؤزه لرین، فیکرین، دوشونمه، گؤرمه، یان، آغلا! توپور ناموسا، باخما ننگه، گلمه عاره، صبر ائیله! بلای فقره دوشدون، راضی اول، بیچاره، صبر ائیله! فقط بیر ایش ده گؤرمک ایستر ایسه ن، گؤر مسلمان تک! تحمل ائیله جؤور ملکداره، ایشله حیوان تک! چالیش، اک، بیچ، آپارسین بَی، ائوین قالسین دییرمان تک! آییلما، حقینی قانما، خبردار اولما انسان تک! داریلما، اینجیمه، تاب ائیله هر آزاره، صبر ائیله! بلای فقره دوشدون، راضی اول، بیچاره، صبر ائیله! و گر آز – چوخ وار ایسه غیرتین، کافرلره باخما! بیر آسان کسبه مشغول اولماق ایله دین دن چیخما! اوشاقلارچین چؤره ک چیخسین دئیه، ها!… دین ائوین ییخما! وبالین بوینوما، گئت فعله لیک ائت، قلبینی سیخما! سنه ایش صاحبی پول وئرمه سه، یان ناره، صبر ائیله! بلای فقره دوشدون، راضی اول، بیچاره، صبر ائیله! و یاخود گر اثر وارسا جانیندا زور و قوتدن، قولون گوجلو، اوزون قانسیز، دلین خالی سه رحمتدن، قوتار بیر دفعه لیک درد و المدن، بار محنتدن، قودوزلوق ایشته بیر پیشه، گؤزه ل هر دورلو صنعتدن! باس آل، کس آل، وور آل، ییخ آل، قوشول فوجاره فخر ائیله، مقام حرمته چاتدین، دخی همواره فخر ائیله! یاناش اشراره، فخر ائیله! بولاش هر کاره، فخر ائیله! دوتولما ننگه، ناموسه، اوتانما عاره، فخر ائیله!…
تاریخ آخرین ویرایش مطلب: تاریخ آخرین ویرایش: ۹۰/۰۴/۰۸ - ۲۱:۴۰

اشتراک گذاری:

تلگرام

فیسبوک

تویتر

برچسب ها:

لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.

درج آگهی

تبلیغات

کاربران آنلاین (0)