دوغرو

دوغرو

دوغرو دئین اولسایدی یالانچی اوساناردی،

آواره قالانلار دخی بیر سؤز ده قاناردی!

ثابت قدم اولسایدی اگر یار وفاده،

عاشیق دخی قاچمازدی بلادن، دایاناردی!

اقوال ایله اعمال بیر اولسایدی، یقیناً،

بونجا دئییلن سوزلره مخلوق ایناناردی!

منصف حقه حق، باطله باطل سؤله سئیدی،

البته کی، ناحق سؤله ین شخص اوتاناردی!

شخصیّه غرض یاتمیشا لای – لای دئمه سئیدی،

غفلتله یاتان گؤزه لریمیز بیر اویاناردی!

گر آغزی کوله کلی کیشیلر پوفله مسئیدی،

بیر شمع کی، آسوده یانیر، هم ده یاناردی!

حق سؤیلیه نین کفرینه حکم ائیله مسئیدیک،

حقگو مگر اوز فکرینی گیزلردی، داناردی؟!