بیلمم نیه هر یاندا بلا پس بیزی توتدی

یوسقوللاری بس بیر بیله نعمت دن اونوتدی

بیلمم نیچون یوسوفه حُسنی ورن الله

عشق آتشینه قلب ذولیخانی چوروتدی

دوستلار نه خطا ایلدی دوستلوخدان علاوه

دوست اوستونه دوشمنلری دائم یوگوروتدی

دولتلیه رضواندی جهان یوخسولا زندان

ایپ سالدی بو یوخسوللاری زندانه سوروتدی

صابر اشیدیپ بو سوزی باخدی منه گولدی

عرض اتدی بالا بیزلری بیگانه چوروتدی

احساسیله اویناتدی بیزی عقلیمیز آزدی

اؤزباشینا بو میللتین اؤز داشینی سورتدی

پابند اولوپ بس کی خرافاته مسلمان

غفلتده قالیب چشمه ی تقوانی چوروتدی

بیگانه چالیپ لای لایه خلق یوخلادی یاتدی

اؤز بارماقینی میللتین اؤز گؤزونه دورتدی