گونلرین بیر گونو قوجا بیر اکینچی واریدی
قوجا کیشینین اوغلو ایسه دؤولته قارشی چیخمیشدی.
بو اوزدن دؤولت آداملاری قوجا کیشینین ائوینه
تؤکولوب اوغلونو توتوب حبسه گؤندردیلر قوجا
اکینچی چارهسیز قالدی اونون ایگید اوغلو زمینی
شوخوملاییب اَکیردی. اما ایندی قوجا کیشینین نه
گوجو واریدی نه ده ایگید اوغلو. قوجا کیشی یار _
یولداشدان قوهوملاردان یاردیم ایستهدی. نه ایسه
اکین زامانی اولدوغونا کندلیلرین واختی آز، ایشلری
چوخویدو. قوجا کیشی حبس ده اولان اوغلونا بئله
یازدی
” اوغلوم منی قوجا واختیندا یاخشی یالقیز
بوراختین سن منیم الیمین عصاسیایدین زمینی
شوخوملاییب اکیردین ایندیسه اکین زامانیدی من
چارهسیز قالمیشام.”
ایگید اوغلان آتاسینین جاوابیندا بئله یازدی:
"آی آتا آماندیر زمییه ال وورما قوی قالسین من
زمیده دؤولتین آختاردیغی سیلاحلاری قویلامیشام
اه یر منیم ساغلیغیمی ایستهییرسن او زمینی
شوخوملاما."
بو مکتوبدان بیر آز سونرا دؤولتین آداملاری قوجا
کیشینین زمیسینه داراشدیلار هر یئری دلیک دئشیک
ائلهییب بیر شئی تاپانمادیلار.
قوجا کیشی چوخ اوزولدو. آداملار سیلاحلاری تاپا
بیلسهیدیلر اوغلونو دارا آساردیلار. آداملار گئدندن
سونرا قوجا گؤزو یاشلی اوغلونا مکتوب یازیب
باشینا گلنلری آنلاتدی.
اوغلان دا سئوینه _ سئوینه قوجا آتاسینا بئله یازدی:
"منیم خان آتام، اوغلونون ال _ آیاغی باغلی اولسا دا بئینی آچیقدیر. آتا جان سنین زمینی شوخوملانیب اکین اوچون حاضیردی"
___________________________________
قایناق:
elbiraz.com/زمی/
انجمن ها
اخبار ایران و جهان
اعضای انجمن(413)
صفحه اصلی انجمن
Bahar-gibi )
خانه
مطالب(42)
دوستان (79)
گالری تصاویر (114)
کلیپها (26)
نظرسنجی (0)
سایت و اپلیکیشن آموزش زبان انگلیسی urg.ir
چگونگی درج آگهی در سایت و قسمت تبلیغات
تلگرام 
فیسبوک
تویتر