وارلی اینسان

شهرلرین بیرینده، وارلی بیر سونسوز آدام، آروادینان یالنیز یاشاییرمیش. بو آدام هئچ کیمین الین توتماییب، کیمسه‌یه قیران یاردیم ائیله‌مزمیش. عوضینه شهرده بیر قصاب وارایمیش کی احتیاجی اولان و یاخشی دورومدا اولمایانلارا موفده أت وئررمیش.

گون گون اوستوندن کئچدیکجه، اینسانلارین بو آداما قارشی نفرتی چوخالیرمیش. هر نقدر بیلنلر، تانیانلار اونا “نه اولار کاسیب لارین ألین توتسان، اولارین دردینه یئتیشسن؟!” دئینده، “کیمسه‌نین دردینیزین منله ایلگیسی یوخ” دئییب گئچرمیش.

گون گلمیش، دئوران دؤنموش، بو وارلی ناخوشلامیش. کیمسه گؤروشونه گئتمه‌میش و سونوندا اؤز یالنیزلیغیندا جان وئرمیش. مردم اوقدر اونا قارشی کینلنمیشلر کی اونون جنازه‌سینه ده گئتمه‌میشلر و آروادی اونو تک باشینا قورلاماق زوروندا قالمیش.
آنجاق او اؤلدوگو گوندن سورا، شهرده عجیب بیر اولای اولموش! داها قصاب کیمسه‌یه موفده أت وئرمه‌میش!

بو دییشیمین ندنین قصابدان سوروشموشلار و او “أتین پولون وئرن آدام دونن اؤلدو” دئمیش!

اینسانلارین حاققیندا تئز قضاوت ائیله‌مه‌مگی

اؤیرنمه‌لیییک منجه.

__________________________________________

قایناق:

http://buxca.ir/?p=1461