حیــــــــــــدر بابا

  حیــدر بابا دنیـــــا یالان دنیـــادی

سلیــــماندان نوحدان قالان دنیــادی

اوغــول دوُغــان درده سالان دنیــادی
هرکیمســـیه هر نه وئریب آلیبــدی

افلاطونــدان بیر قوری آد قالیبـــدی

حیـــدر بابا یولوم سنن کج اولــدی
عومروم کئچدی گلَممه دیم گئج اولــدی
هئــچ بیلمه دیم گؤزللرون نئج اولـــدی
بیلمــزدیم دؤنگه لــروار، دؤنــوم وار
ایتگــین لیک وار آیرلیق وار ئولــوم وار

حیــــدر بابا یار – یولداشــــلار دؤندولر

بیر – بیر منـی چـولده قویوب چؤندولــر
چشمـــه لریم چیــراغلاریم سؤندولــر
یامان یئــرده گـون دوندی آخشام اولــدی
دونیـــــــــــــــــا منـه خـرابـه شـام اولــدی