درباره من

*جبران خلیل جبران*

اوشاقلارینیز سیزین اوشاقلارینیز دئییل.
اونلار اؤز یولونو ایزله ین حیاتین اوغوللاری و قیزلاری.
سیزین آراجیلیغینیزلا گلدیلر آما سیزدن گلمه دیلر
و سیزینله بیرلیکده اولسالار دا سیزین دئییللر.
اونلارا سئوگینیزی وئربیلیرسینیز، دوشونجه لرینیزی یوخ.
چونکو اونلارین دا اؤز دوشونجه لری واردیر.
بدنلرینی توتابیلیرسینیز، روحلارینی یوخ.
چونکو روحلار یاریندادیر،
سیز ایسه یارینی دوشلرینیزده بئله گؤرنمزسینیز.
سیز اونلار کیمی اولماغا چالیشابیلرسینیز،
آما ساقین اونلاری اؤزونوز کیمی اولماغا زورلامایین.
چونکو حیات گئرییه دؤنمز، دوننله ده بیر آلیش وئریشی یوخدور.
سیز یایسینیز، اوشاقلارینیز ایسه سیزدن چوخ ایره لیله ره آتیلمیش اوخلار.
اوخچو، سونسوزلوق یولونداکی هدفی گؤرور
و او اوجا گوجو ایله یایی اَیرک اوخون اوزاقلارا اوچماسینی ساغلار.
اوخچونون اؤنونده قیوانجلا اَییلین.
چونکو اوخچو،
اوزاقلارا گئدن اوخو سئودیگی قدر
باشینی دیمدیک توتاراق قالان یایی دا سئور.  


قایناق:

http://olkeminsesi2.mihanblog.com/post/35  
 

درج شده در تاریخ ۹۴/۰۸/۰۳ ساعت 23:21

کاربران آنلاین (2)

VvXvF کاکتوس