درباره من

 ایللر اؤنجه، کتدی لریمیزله بیرگه، زییارت اوچون مشهده گئتمیشدیک. زییارت زامانیمیزین محرم آیینا توش گلدیگینه گؤره، بیز اورادا هرگون شاخسئی (شاه حسین) دسته سی باغلاییب، شاخسئی گئدیردیک.

او گونلرین بیرینده، شاخسئی گئتمک حئینینده، بیر نفر غریبه نین دسته یه  قوشولاراق و بیزه تای شاخسئی گئتمه سی، هامیمیزی ماراقلاندیرمیشدی. هامینین بئنینده، "بو کیشی کیم اولمالی دی؟!" سورغوسو یارانمیشدی.

سوالا جواب تاپسین دئیه، شاخسئی داغیلدیقدا، کتدی لردن بیری کیشیدن سوروشموشدو: "سن هارالیسان؟!" کیشی جوابیندا دئمیشدی: 
"من قوچانلییام! قوچانلیلاردا سیزه تای تورکدولر!"

کنده قاییداندان سونرا، قوچانلی کیشینین شاخسئی گئتمه سی تئز- تئز خاطیرلانیب، بئله بیر سؤز سؤیلنردی: "هر یئرده تورک وار!"
هابئله خوراسان ویلایتینی، اماما باغلاییب دئیردیلر:

" امام رضانیندا تورکو وار!"

قایناق؛ ساغلام کندینین بلاقی (سینیق کؤرپو)
@Hikayalar  

درج شده در تاریخ ۹۵/۰۷/۱۰ ساعت 23:32

کاربران آنلاین (0)