سایین دوکتور اسماعیل آذر! «شیر آب»می یوخسا «سو شیری»می؟!

اولو تانری نین آدی ایله

تصادفاً بیر گون تلویزیوندان یاییلان مشاعره برنامه سینین آپاریجی سی،جناب دوکتور امیر اسماعیل آذر-ی، «شیر آب» ترکیبینی آچیقلاییرکن گؤردوم!

دوکتور «شیر آب» ترکیبینین یارانماسینی بئله آچیقلادی:

«اسکی چاغلار شهرین مئیدانیندا بیر آسلان (شیر) مجسمه سی وارایمیش. اونون آغریندان سو تؤکولرمیش. اونون اوچون زامان آشیری [سو آسلانینا] «شیر آب»ا معروف اولور و گئت- گئده گونوموزده قوللاندیغیمیز لوله کشی «شیر آب» اونون یئرینی توتور...!»

(دئییرم یئنه یاخشی شهر مئیدانیندا آسلان مجسمه سی ایمیش یوخسا گئچی دن، اؤردک‏دن، ایلان دان یا باشقا حئیوانلاردان اوردا اولسایدی بوگون «شیر آب» دئییل بز آب، اردک آب، مار آب و... کیمی سؤزلر دئییلیردی؟!!)

آنجاق «سو شیری» تورکجه سؤزلوکلرده بئله آچیقلانیر:

سو : آب

شیر : کلمه ای است تقلیدی برای توصیف ریزش آب (دیل دنیز – اسماعیل هادی)

شیریلداماق: شرشر کردن آب.

شیرلان : آبشار

شیر Şır>Şir : سویو باغلاماق اوچون بیر وسیله

شیرتا- شیرت: شیددتلی یاغیشی و یئرین ایسلانماسینی توصیف ائتمک اوچون بیر ترکیب

...

آللاه ائله مه میشدن من فارسجادا «شیر آب» ترکیبی تورکجه«سو شیری» ترکیببیندن آلینمادیر دئمک ایسته میرم! فقط قالمیشام بیزیم ائویمیزده کی سو شیری (شیرآب) آسلانلا ایلگیلی دیر یوخسا سویون شیر-شیر سسی ایله، الله اعلم!

***

آپاریجی : مجری

اسکی : قدیم

قوللانماق: استفاده ائتمک

ایلگیلی : مربوط