تورکجه فقط شعر دئییل!

۹۲/۰۸/۰۷ - 23:59

turki azarbayjaninin matlablari 99% yox ki 100 fayiz sherdi
alan bu saytda manca sari galin daranaki bashqa daranaklardan
turki dila gora chox chalishqandi
yeri var ki bu daranakin mudurindan tashakur eliyax

۹۲/۰۸/۰۸ - 00:04

منده سیزله ال بیرم و سیزین سؤزونوز تصدیق ائدیرم.....


واللاه هردن بیر شئعره اوخشار بیر یازی قویورام، ک آنا دیلیمین آرادان گتمهمه سینه گؤره یازیرام

آما ، باشقا بیر شئیلرده قویورام ک شکیل اووستؤنده اولان یازیلاری دا من آنا دیلیمده یازارام یانی بورایا قه در یانلیش بیلمه سم فارسجا یازیم یوخ....ساده لایک ائله سم دوستلارین ریجا سیندان دولایی فارسجا یازیلاری خوش اولسا لایک ائدرم

سیز سایین زالی بی، چوخ چوخ دؤزگون بیر اولمالی خبری یایدیز بورایا، بیزلر اویاردیز ک بئله اولمالیدیر

اومورام ک عزیز دیلداشلار و حورمتلی صنعتکارلار اللریندن گلینی بو قونودا ائتسینلر...

اللریزه ساغلیق بو اویاری اوچؤون

۹۲/۰۸/۰۸ - 06:39

منجه بعضی ایدداهلی آدام لار یالقیز ائله گوجلرین وئریپلر انگلرینه ! اللریندن بیر ایش گلمیر ائله گئدیرلر نه بیلیم هانکی سر صفئه لرینن بحث ائلییرلر آخیردا دا الی بوش ... قورو دالی قاییدیرلار !
ائله دوشونورم بیز هله بو قونونو گرکلیگینی باشا دوشممیشیک گرک سیزی کیمین قارداش باجیلاریمیز یاواش یاواش بو ایشه باشلایا...

۹۲/۰۸/۰۸ - 08:23

یاشا دؤستوم گرچکدیر فرمایشینیز اما منیم الیمدن ایندیجه شعر یازماق گلیر .اما قالان دؤستلاردان ایستیریک کی بو ایشه اقدام ائتسینلر

۹۲/۰۸/۰۸ - 20:00

بویوردوغونوز دوغرودور و چوخلو دوشونمک یئری وار. منجه بورادا بیر یانلیش فیکیر یاییلیب. بئله کی تورکجه مطلبلرین مؤوضوسو نظرده آلینمایاراق، صیرف تورکجه اولدوغو اوچون آذربایجان انجومنینده یئرلشیر. حال بو کی بو سیته نین باشقا انجومنلری ایله ایلگیلی مطلبلر ده تورکجه یازیلاراق اؤز بؤلوملرینده یئرلشمه لی دیر. نئجه کی آذربایجانلا باغلی مطلبلر ده فارسجا یازیلاراق آذربایجان انجومنینه داخیل اولا بیلر. دئدیگیم کیمی بورادا دیل یوخ، بلکه موضوع نظرده آلینمالی دیر. اونونچون بیر داها دوشونمک لازیم...
ساغولون

۹۲/۰۸/۰۹ - 11:37

سؤزلریز یوز فایز دوغرو

اینشالله چالیشاریخ

۹۲/۰۸/۰۹ - 16:18

man bir sava istadim gozalliga race olan bir yazi yazam qoyam saita
xanimlar uchun
sach va dari uchun

amma manca turkca yazsaq yollasaq anjomanlara taiid olmuya

۹۲/۰۸/۰۹ - 16:55

چوخ گوزل گوردوم بو صفحه ده نه گؤردم تاماماً گؤزللیک گؤردوم!

بیر بؤیؤک آنلادئغئم بو کی ماشاءآللاه تؤرکجه سؤزجؤک داغارجئغی عزیز آذربایجان وطنداشلارئیمئزئن معلومات داییره سینده گنیشلیجه بول بول یرآلماقدادیر بو چوخ سویندیریجی بیر مسئله دیر!

تهراندا ایللر یاشادیقدان سونرا اون ایلدن چوخ تبریزه یولوم دوشممیشدی و اوشاقلئقدان تبریزدن گؤردؤیوم* کولتورَل بوللوق، آنا دیلیمیزه و کؤلتؤرؤمؤزه اخلاقلی تعصّوب و... دِه گؤل بشّاش روحیه لی اینسانلار مرکزی تانئملامئشدئم!

آما بو سون ایللردَه تبریزده گؤردکلریمه هئچ بیر آنلام وره بیلمیرَم.
موطالیعه سیزلیکدن آنا دیلیمیزین باشئنا گلمیین اُیون قالمامئش بو منطقه ده!

باخئنئز دوستلار! لهجه تاماماً گؤزللیکدیر و لهجه لر بیر دیل طاووسون بویا دولوسو قانات یاپراغی کیمیدیرلر. بوقانات یاپراقلاری کؤکلری اولان قانادئن اؤزؤنو دانمامالئدئرلار (اینکار اتممه لیدیرلر)

1- نجه تشدید « -ّ » علامتی عرب دیلینه عاییدیر اونا گؤره ده عرب کؤکنلی کلمه لرده گله بیلر یازئلئب و قوللانا بیلَر.
مثلاً نجه کی فارسدا 2=دوم، 3=سوم، 4=چهارم کلمه لری تشدیدلی تلفؤظ اولارکن تشدید علامتی گؤتؤرمزلر.
تؤرک و اُنون لهجه لَرینین بیری سایئلا بیلن آذریجه ده بوقاعیده («قایدا» دا یازئلا بیلر)دن مؤستثنا دییل*.
اُ اؤزدن تبریز لهجه سی «قئسا» (= «کوتاه» فارسجادا)، «قئسّا» دییلیر. وچوخ زامان عربجه «قصّه» آذریجه ده «قیسّه» تلفؤظؤ ایله قارئشدئرا بلینیر. بو باخئمدان یولا چئخاراق داها راحات آنلاشئلئر کی بعضی دوستلارئمئزئن عربجه کؤکنلی «امّا» کلمه سینی «آمما» یازماقدا خطا دئر. یالنئز عجم = غیرِعرب کلیمه لرینده تشدید یرینه اُ حرفی ایکی دفعه یازماسئنئ اؤنَریرَم!
بو سئرادا فارسلار نیه یوخارئداکی عومومیت تاپدئغی سؤزجوکلری دووم، سووم، چهاررم یازمئرلار دییه سُرارسانئز! «اُ اُنلارئن اؤز مسئله سی و دیل یترسیزلییی*» دییب گچمیی* ایندیلیک صَلاح گؤرورَم. داها سونراکی گؤروشوموزده نچه بؤیؤک اُ یِتَرسیزلیکلردن نچه سینه ایشاره اِدَرَم.
2- «یارادئب» لا «یارالدئب» هر ایکیسی تؤرک کؤکوندن اولان یاراتماق فعلیندن دیر وهر ایکیسی لازیم متعدی بحثی کیمی بیر آنلام داشییر. آما یارادئب واسیطه سیز و یارالدئب واسیطه لی آلاراق معنا یؤکلَییر. و ایکنجی سی اولو تانرئمئز حاقئندا اَیَر* قوللانئرسا تاماماً یؤجه آللاهئمئزا ایفتیرا کیمی نتیجه لندیریله بیلَر. کی آلله یاراتماق اوچون بیرباشقاسئنا احتیاجئ وار. یاراتماق یرینه یارالدئر. و بو قارماشانئ بیر گؤزل تبریزیمیزین ینی تلفؤظؤنده گؤرولور.

... یوخارئداکی یازئلارئن آراسئندا گلن * علامتینین معناسئنی منه عایید اُلان صفحه لرین اُخوجولارئ بلیرلر.

۹۲/۰۸/۰۹ - 21:12

حؤرمتلی سارا ساقی!
((موتسیفانه من هر واقت ایستمیشم یازام هله بو نظرلرده دایانیرام وکلیمه لرین چوخین یا فارسجا بیلیرم یا تورکیشجه))
1- من سیزدن تورکجه یازی گؤرمه میشم. منیم گزاریشیمه گلمه ییب!
2- قرار دئییل خالیص تورکجه یازاق. هامی باشاردیغی قدر یازمالی دیر.
((چونکی نه دوز تلفوظین بیلیرم ونه دوز یازیرام.))
ایملایی اشتباه آز - چوخ هامیدا وار! قورخما! نه قدر ده اشتباهین اولسا مشروط اولمایاجاقسان! بوردا دوز یوخسا غلط یازماغا نومره وئره ن یوخدو فقط تمرین ائله مه لی یئردیر! منجه چوخ آداملاردان دا دوز یازیرسان!
((تورکچه ده موتسیفانه دیه بیله م تورکیه کینن دالی ترم))
بو سؤزون، دیلیمیزه گؤره کامیل باخیشین اولمادیغینی گؤسته ریر و مفصل بحث یئری وار بوردا
((بونلار منی چوخ اوزور و اؤخماخدادا چتینیک چکیره م))
اوخوماقدا چتینلیک چکمه مک اوچون اوخویوب و یازمالیییق. سنه تورکجه کیتابلار اوخویوب و هردن بیر باشاردیغین قدر تورکجه یازماغی پیشنهاد وئریرم.
((گرک بیر یئر اولا تا بیزده دوز یازماق ودوز دانیشماغی اورگه نک))
بلی من ده دئییرم گرک بیر یئر اولا... آنجاق بیر یئر گؤرسون منیم ده سلامیمی یئتیر! بیر ده بونو بهانه ائدیب دوز یازیب دوز دانیشماقدان قاچا بیلمه ریک
* * *
سیزه و بوتون ده یر وئرن دوستلارا تشککورومو بیلدیریرم

۹۲/۰۸/۰۹ - 21:25

نقل قول:
تانسو2: amma manca turkca yazsaq yollasaq anjomanlara taiid olmuya

تانسو2! جنایتدن قاباق قصاص ائدیرسن؟! سن یاز تأیید ائله مه سه لر بیییییییییییییییییییییب !!