یالنیز حاق قالارغی دیر

اولو تانری‏نین آدی ایله

هانی دئدیییم بی اره‏نلر -  دونیا منیم دئیه‏نلر

اجل آلدی یئر گیزله‏دی – فانی دونیا کیمه قالدی

گلیملی گئدیملی دونیا – سون اوجو اؤلوملو دونیا

(دده قورقود)

یاشامیمیزدا اولان بیرسیرا کدرلرین گرگینلییینی یالنیز اوره‏ک بیرلییی ایله آزالتماق اولور. ان آجی گونلریمیزده بیزی آرخاداشلارین گؤروش‏لری نعمتیندن محروم ائتمه‏ین اولو تانری‏یا شوکورلر اولسون.

سیز سئویملی و بؤیوک اردملی یولداشلارین ووجودو داغلی اوره‏ییمیزه مرهم‏دیر.

سایغیلی یولداشلار:

- مهدی عزیزی مییانالی سایتین مودور

- قافلان هفته‏لییینین تحریریه هئییتی

- کولتور – ارشاد ایداره سینین سرپرستی و هونری بؤلومون سورونلوسو

- مییانا پینگ پونگ هئییتی

- تجسمی هونرلر درنه‏یی

- ایدمان و گنج‏لر ایداره سی

ایسته‏کلی آرخاداشلار سایین قادر حسن‏زاده، موسی اصلانی، حمید محمدی، اسماعیل مختاری، محمدرضا مختاری، فیض‏اله بختیاری، حسین نقی‏لو، پیمان سلیمانی صدیق، مهدی عراقلویی، طاهر مختاری، محمدرضا بیضایی، آراز فردی، مهدی اسلامی، جمال عبدی، حسین ساعدی، امین ناصری، محمد سلمانی، فراز احمدی، حامد کبیری، حسین پوربهرامی، حامد یزدانی جنابلاری و باشقا اونودوب آدلارینی گتیره بیلمه‏دیییم بی‏لر؛

ترحیم تؤره‏نیمیزه قدم قویماغینیزلا، اوره‏ک‏لریمیزه محبت باغیشلاییب کؤنلوموزه تسللی اولدونوز. وئردییینیز باش ساغلیغی مئساژلارلا غرور دویدوغوموزو بیلدیره‏رک ان درین تشککورلریمیزی سیزلره سونوروق. سون ایکی – اوچ گونده هانسیسا آرخاداشلارین تئلفونو و مئساژی جاوابسیز قالمیشسا اونلاردان چوخ چوخ عوذور دیله ییریک. لوطفن بونو بیزیم سایغیسیزلیغیمیزین حئسابینا قویماییب بیزی باغیشلایین.

ان سوندا سیزین محبتلی و صفالی حضورونوزو عزیز ساییب تانری‏دان سیز سرورلره اوزون عؤمور جان ساغلیغی دیله‏ییریک.

اومورام آرخاداشلیق آرامیزدا محبتله دولو اولان  بو بیرلیییمیز هپ پوزولماز قالسین.

زالی - محفوظی

ایلگیلی یازینین فارسجاسی