قافلان هفته لییی وئب سایتی تورک دیلی بؤلومو

اولو تانری‏نین آدی ایله

عزیز آرخاداشلاریمیز حؤرمتلی «حسین پور بهرامی» و «فراز احمدی» جنابلارینین ده‏یرلی چالیشمالارینین سونوجوندا، قافلان هفته‏لییی‏نین وئب سایتی یئنی ده‏ییشیکلیکلرله قوللوغونوزدا اولاجاق.

http://www.gaflannews.ir/

گؤردویونوز کیمی سایتدا تورکجه بؤلومو (بخش ترکی) باشلیقلی بیر صفحه آیریلمیشدیر. بو بؤلوم موختلیف قونولارا او جومله دن دیل کیلاسی، مقاله لر، شئعیرلر؛ هابئله ناغیللار، خبرلر، و... موضوع‏لارا اختصاص وئریله‏جکدیر.

«دیل کیلاسی» بؤلومونده باشاردیغیمیز قدر تورکجه‏نی ساده شکیلده اؤیرتمه‏یه چالیشاجاغیق. باشقا بؤلوملرده ده اؤز باشلیقلاری ایله ایلگیلی یازیلار کئچه‏جک. نشریه‏نین صفحه‏لری محدود اولدوغو اوچون بیرسیرا یازیلارین چاپ اولماسینا فورصت یارانمیر. او اوزدن چاپ فورصتی تاپابیلمه‏ین یازی‏لاردان دا سایتدا فایدالانا بیله‏ریک.

 بو حاقدا سیز ده‏یرلی اوخوجولارین انتقاد، پیشنهاد و باخیشلارینی گؤزله‏ییرک. بیزیمله ایلگیله‏نمک اوچون و اجتماعی، فرهنگی، هنری و... موضوع‏لارلا باغلی یازی، فیلم، عکس و... گؤندرمک اوچون بو ایمئیل‏لردن فایدالانا بیلرسینیز:

قافلان نشریه سینین ایمئیلی:

gaflan_news@yahoo.com //

منیم شخصی ایمئیلیم :

Behzad.zali@Gmail.com //

اومورام سیزین و بوتون دوستلارین یاردیمی ایله آنا دیلیمیز، تورکجه‏میزین داها آرتیق گلیشمه‏سی اوچون موثبت آدیم‏لار آتا بیله‏ک.

نهایتده سایین «قادر حسن زاده» جنابلارینا چکدییی زحمتلراوچون تشککوروموزو بیلدیریریک.

چوخ ساغولون