عزیز آرخاداشیمیز «محمد ساوالان» اوچون

گلمز یئره آرخام

کی ائلیمدن دایاغیم وار

بو یاخین‏لاردا «محمد ساوالان»ین آتاسینین دونیادان کؤچمه سی خبری بیزی ده کدرله ندیردی. بلکه بوگون کیمسه منیم قدر محمد ساوالانین حالینی دوشونه بیلمز آنجاق اومورام بو آرخاداشیمیز بیزی ده اؤزونه غم اورتاغی دوشونه رک بوندان آرتیق اؤز ده یرلی حوضورونو بیزدن، داها دوغروسو بو سایتدان اسیرگه مه سین.

من بیله لی محمد بی نئچه آی بوندان اؤنجه اؤزه ل دوروملارینا گؤره اکانتینی سیلمیش و مجازی آرخاداشلاری ایله اولان تکجه ایلیشکی یولونو قیرمیش‏دیر. آنجاق من باشقا ایلگی آراجلاری واسیطه سی ایله اونلا ایلگیله نه بیلیب گئری دؤنمه سینی دیله دیم.

سئویملی تار اوستاسی و مییانالی سایتینین ان ده یرلی اکانتلارینین بیرینین یییه سی محمد بی ساوالان، چکدییی زحمت لری و آذربایجان موسیقی سی اوغروندا آتدیغی بؤیوک آدیملارلا  اؤزوندن اونودولماز بیر آد بوراخمیشدیر.

تانری یانیندا، خالق اوغروندا چالیشماغین بؤیوک ثاوابی وار. اومورام محمد بی اؤز سارسیلماز ایراده سی ایله بو سایتا گئری دؤنوب آذربایجانین اولو مدنییتی یولوندا اؤز ده یرلی چالیشمالارینا داها گوجلو داوام ائتسین. آتاسینین اوجا روحونون دا بو ایشه راضی اولاجاغینی سانیرام.

محمد بی ساوالان یازدیغی بوتون مطلبلره و سایتدا پایلاشدیغی گؤزه ل ماهنی لارا ساهاتلارجا بلکه ده گونلرجه واخت آییرمیشدیر. اونون اوچون ده اکانتینی سایتین ان ده یرلی اکانتلاری سیراسیندا یئرله شدیریرم! بئله بیر صفحه لرین خالقیمیزین الیندن اوزاق قالماسی گئرچکدن اینصافسیزلیق دیر! بو دا محمد بیین اؤز ایسته یی ایله چؤزوله بیلر!

آشاغیداکی زنگین وئبلاگ ایسه محمد ساوالانین ده یرلی چابالارینین سونوجودور.

آذربایجان موسیقی سی

http://eliminsesi.arzublog.com/

محمد ساوالان - تار اجراسی :

یوردوموزون بوتون فرهنگی چالیشقانلارینا بؤیوک اوغورلارین آرزوسو ایله