تک رأی: یوخ؛ جوت رأی: هه!

سایغیلی همشهری لر! بیلدییینیز کیمی شهریمیزین ایکی نماینده سی وار. بیز ده ایکی نماینده مجلیسه گؤنده ره جه ییک. شهرده کی بعضی تبلیغاتی دوروما دایاناراق تأسسوفله بعضی همشهری لریمیزین ایکی رأیلیک حاققیندان فایدالاناجاغی احتمالی وئریلمیر!

سئویملی دیلداشلاریم! ندن ایکینجی سئچیم اختیاریمیزی باشقالارینا وئرک؟! بیزیم ایسته ییمیزله دئییل! ایستر- ایسته مز ایکی نماینده سئچیله جک. بیز ایکی نماینده نین طرفداری دا اولا بیله ریک! بو مطلقا ایرادلی دوشونجه دئییل. اوسته لیک اؤز حاققیمیزا یییه دورماغیمیزی دا گؤسته ریر.

منجه تک رأی سالماق تفککورونون یارانماسیندا کاندیدالارین دا نقشی وار! ایکی- اوچ کاندیدا استثنا اولاراق باشقا کاندیدالار اؤزلریندن سونرا کیمسه نی قبول ائتمیرلر! دولاییسی ایله طرفدرلارینی دا تک رأی سالماغا یؤنه لدیرلر! آنجاق...! آنجاق نه دئمیشم ... عشق اولسون تک رأی سالمایان و طرفدارلارینی دا هر ایکی سئچیمیندن فایدالانماغا چاغیران کاندیدایا!