حسین (پوربهرامی) قاغانین غیر اخلاقی ایشی و قادر عمی نین تأییدی!!

آتا- بابالاریمیز دئمیش لر: اؤرتولو بازار دوستلوغو پوزار.

اونا گؤره ده آچیق- آیدین بیر باشا مطلبه کئچیرم.

قافلان نشریه سینین 145-نجی ساییسیندا حسین پوربهرامی نین آدینا یاییلان کارتونون آرخاسیندا نه لر باش وئرمیش؟!

همن ساییدا، شهریمیزین حؤرمتلی کارتونیسیتی محفوظی جنابلارینین کاریکاتورو ده ییشدیریلیب و محفوظی نین اؤزونه قارشی اولاراق چاپ اولموشدور!

منجه بونون سببی، اصلی کارتونون ناپاک قلم اهل لرینه توخونماسینا گؤره ایدی! بئله کی عزیز و حؤرمتلی دوستوموز قادر حسن زاده جنابلاری بو کاریکاتورو اؤزلرینه آلمیش لار و محفوظی نین بو حرکتینه تپکی اولاراق تام بیله رکدن همن کاریکاتورون ناشیانه تحریف اولونموشونو اونون اؤزونه قارشی چاپا گؤندرمیش لر!

بوردا 3 مسئله اورتایا چیخیر!

1- سایین حسن زاده ندن او کارتونو اؤزلرینه آلمیش لار؟! یوخسا قلمینه می شوبهه لری وار؟!

2- ندن بیله رکدن نشریه سینده بیر تحریف اولونموش کارتونون چاپ اولماسینا ایذین وئرمیش لر؟!

3- ندن ده ییشیلمیش کارتوندا شخص محفوظی یه توخونموش لار و اونون قلمینین آرخاسیندا باشقاسینین [منیم ظنیمجه فرمندین] دوردوغونو بیلدیرمیش لر؟!

یادیما گلیر کی نماینده سئچکی لری زامانی قافلان نشریه سینین حؤرمتلی باش سورونلوسو قادر حسن زاده، تحریریه هئیتینین نئچه سینین حضوروندا بئله بیر سؤز دئدی:

"مجموعه میزده دوستلارین فیکری فرقلی کاندیدالارا یاخین اولماسینا باخمایاراق ایسته میرم بو فیکیر آیریلیغی بیزیم مجموعه میزده و ایشیمیزده اختلاف یاراتسین..."

یوخاریداکی سؤزه دایاناراق سایین حسن زاده جنابلاریندان خواهیشیمیز بودور کی سیزین دوشوندویونوز کیمی اولماغیمیز شرطی ایله دئییل بعضی زمینه لرده فیکیر آیریلیغیمیزی قبول ائده رک بیزه نشریه سینده یول وئرسین لر!

اثر سید حسین محفوظی

کار فتوشاپی حسین پور بهرامی!