درباره من

سَنی آللّه یارادیبدیر گؤزلیم جان آلاسان
ناز ائدیب عاشقینه جانینی قوربان آلاسان

وَصلینَه چاتماق اوچون آغلاداسان عاشیقینی
گؤزیاشین قورتاراسان، یاش یئرینَه قان آلاسان

تؤکَه سَن زُلفون اوزَه ،تار ائدَه سن گوندوزونو
گئجَه مُهلَت وئریب آمّا جانینی، دان آلاسان

بیر گؤز آلتی باخاسان نالَه ائدَن عاشقَه سن
سونرادان آغلاداسان ناله و افغان آلاسان

یوسفو چوخلو گِران آلدی زُلیخا بیلیسَن
آما سن عاشقینی ایستیسَن اَرزان آلاسان

شیخ صَنعانین آلیب دینینی تَرسا بالاسی
مین کَرَه جانیمی آل ،ایستَه مَه ایمان آلاسان

وادی عشقَه دوشَن دَرد و غَمَه دؤزمَه لی دی
گؤزلورَم سن گَله سَن ،تامنه درمان آلاسان

«دهقانین»آرزوسودو جان وئرَه سن تک گؤزلَه
اولاسان پیک اَجَل، جانینی آسان آلاسان(دربند .سد ایدغموش)  

درج شده در تاریخ ۹۴/۰۵/۲۴ ساعت 23:57

کاربران آنلاین (0)