بیر گوزل تورکی شعر

بیــر ظریــف جسمیلـه افکاریمـی پاسلاندراجــاق

هـئی خمارگؤزلـری بیر گوشــه یه آسلاندراجـــاق

یئنـه حسـرت بوغاجاق کؤنلومـــو، ناحـق دئمیـــرم

بولوتـــون مثلی اولـوب گؤزلـری ایسلاندراجــــاق

آختارا هر یانـــی گؤزلر، داریخــــار اولمایاســــان

سنسیز ایشیقلی گونش اولسادا کاسلاندراجاق

یاشامـاق هئچ دئمه سنسیزلــیه آسان ساییلیر

اجل اؤز خنجرینـــی کؤنلومــه باسلاندراجــــاق

داغلاریـــن آرخاسینـــا تیشـه وورانلاره دئییــــن

فرهادیـن تیشه سینـی غیرتـه یاسلاندراجـاق

"مجید قلیزاده"