قوجا تبریز

تبریزین اوستونده {اوفوق} آچاندا

آزادلیق پرچمین یوردا ساچاندا

دشمن دیزه چوکوب قویوب قاچاندا

قارشیندا داغیلماز قالاقدی تبریز.

{

تاریخده یازیلیب سیلینمه زآدی

خلقین داماغیندا قالیبدیر دادی

غیرتی , همتی , دینی , هرزادی

ایرانین تئلینده دارقدی تبریز.

گوسته ریب وطنه عشقین _ هوسین

سالیبدی داغلارا یئرینده سسین

تورپاغا قدآچان ناحق ناکسین

ریشه سین بیچماغا اوراقدی تبریز

گوری لرده قارتالدی , داغلاردا جیران

یاتماییب ,یوخلاماز اویاقدی تبریز

ایگیدی قوزی تک تورپاغا قوربان

آزاد انسانا دایاقدی تبریز.