شعر شهریار

خان ننه ، هایاندا قالدین 


بئله باشیوا دولانیم 



نئجه من سنی ایتیردیم ! 


دا سنین تایین تاپیلماز 



سن اؤلن گون ، عمه گلدی 


منی گه تدی آیری کنده 



من اوشاق ، نه آنلایایدیم ؟ 


باشیمی قاتیب اوشاقلار 



نئچه گون من اوردا قالدیم 


قاییدیب گلنده ، باخدیم 



یئریوی ییغیشدیریبلار 


نه اؤزون ، و نه یئرین وار 



« هانی خان ننه م ؟ » سوروشدوم 


دئدیلر کی : خان ننه نی 



آپاریبلا کربلایه 


کی شفاسین اوردان آلسین 



سفری اوزون سفردیر 


بیرایکی ایل چکر گلینجه 



نئجه آغلارام یانیخلی 


نئچه گون ائله چیغیردیم 



کی سه سیم ، سینم توتولدو 


او ، من اولماسام یانیندا 



اؤزی هئچ یئره گئده نمه ز 


بو سفر نولوبدو ، من سیز 



اؤزو تک قویوب گئدیبدیر ؟ 


هامیدان آجیق ائده ر کن 



هامییا آجیقلی باخدیم 


سونرا باشلادیم کی : منده 



گئدیره م اونون دالینجا 


دئدیلر : سنین کی تئزدیر 



امامین مزاری اوسته 


اوشاغی آپارماق اولماز 



سن اوخی ، قرآنی ت...