*دانیشاندا قورخ*

نه شیمشک برقیندن نه سئل سسیندن

 حیــا سیز ، حیـــادان دانیشاندا قــــــورخ

نامــــوسون اونودان غیـــــرت سیـــز آدام

مجنــــون تک لیـــــلادا دانیشاندا قـــورخ

انسان وار انسانین قلبینه باتــــان

انسان وار گئجه یله گوندوزو یاتان

ایمانین ترک ائدیب دونیانی توتان

محنتی دونیادان دانیشاندا قورخ

نامـــوسون قووروسان گؤزلرده اودسان

جیبلرین بوش اولسا دوستلارا یادسان

باشینی قارانلیـــق باشــــلارا قاتسان

ایشیقدن ضیــــادان دانیشاندا قــــورخ

او کـــس کی آییریـــر قاتیــــقی قیلــدن

او کس کی سؤز دئییر یوموشاق دیلدن

او کـــس کی اوزاقدی اوباـــدان ائلـــدن

مئشه دن قایــــادان دانیشاندا قــــورخ

من یـــورغــون دوستاقام بو دونیا قفــــس

قبریمـــده یاتسامدا گلــه جک بو ســــس

لقمه سی حرام کس نطفه سی کج کس

عشقیــلن وفـــــــادن دانیشاندا قــــــــورخ.

یازان:ح.حسنی " یورغون "