درباره من

«سونای» یوردوما خوش گلیبسن. بیزی یامان یئرده یوخلاییبسان، کولتورمون آزقینلیغیندا گونش اولدون یوردوما. سئوگیلیلر چوخداندی سنی اونوتموشدولار. نئچه واختدی بیر اؤزگه والئنتاین آدلی بیریسی اولوسومو آلداتمیشدی. دئمه سنین یئرینه کئچمک ایسته ییرمیش، یوخسا سن دورمو آنلاییب، قارا بولودلاری قیراغا آتیب، ساری ساچلی گونشیمیزی بیزه گتیردین. سن بیرداها منیم وارلیغیمی منه آنلاتدین. من اؤز وارلیغیمی اونوتماق ایسته میرم. سن گلن گون، 31 زومار (شهریور) یئر- گؤی سئوگی له نیر. سئوگیلیلر سئوگی دونو گئییر. سئوگیسیزلرده سئوگی نی آختاریر. هامی قیرمیزی بویالی اورک، قیزیل گول، سئوگی مکتوبو، ... و بوتون سئوگی قوخوسو وئرن شئی لری آلیر. آنجاق سن بو گؤزللیگی یارادیسان. سئوگیلیلر بو گونده گرچکدن بیر- بیری دوشونولر. آیریلیق لار کوسوب گئدیرلر. باریش ایسه یورد سالیر. گونش ساچلارین داریر. اورک لر بیرگه دؤیونور. سئوگی هر یئره یاغیر. سارای لار، خان چوبان لاری هارایلیر. آنجاق سن هر ایل زومارین سون گونونده گل. هامی سنی گؤزله ییر. سن اولدوغوندا سئوگی یاشانیر. گؤزل آذربایجان تورکجه سینده نغمه لر قوشولور. آشیق لار، سازلاریندا اصلی- کرم سسلندیریرلر. یوردوم جننته دؤنور، گئجیکمه هئچ زامان، آمان دیر تئز گل!  
 

درج شده در تاریخ ۹۳/۰۶/۳۱ ساعت 22:48

کاربران آنلاین (0)