اویونلار: ایینه_ایینه

بو اویونو چوخلو اوشاقلار دووره اوتوراراق اوینارلار. بیر موللا باشچی اولور. هامی اللرینی یئره دوزور. موللادا بیر اللینی یئره قویوب, بو سویه(شعر) اوخشار سوزلری اوخویور.

ایینه_ ایینه

اوجی دویمه 

شام آغاجی

شاتیر کئجی

قوز آغاجی

قوتور کئجی 

هاپپان_ هوپپان

ییریل, ییرتیل

سو ایچ قورتول.

باشچی بو سوزو اوخویا_اوخویا بارماغ ایله, یئره دوزولن اللرین اوسونه ووریر. سوزون سونی هانسی اللده بیتیرسه, او ال اویوندان چیخیر. سونا قالان الده هامی آنیق(حاضر) دورومدا دایانیر. باشچی او قالان ال ایله یئره اوخویور سوز یئرده بیتسه هامی اللرینی دوشونه ووریر. کیم سونا قالارسا او یوکوم(سجده) دوروشوندا(حالیندا) یاتاراق قالان اویونچولار اللرینی اونون بئلینه بیر_بیرینین اوستونه قویورلار.

 باشچی سوروشور, ال اوسته کیمین الی؟ یاتان اویونچو یانیت(جواب) وئریر. کیمین الی نین لاپ اوستده اولدوغونو بیلسه, اویون بیتیر. دوز دئیه بیلمه سه , اویونچولار بیرلیکده اللرینی گوتوروب اونون بئلینه ووراراق دئییرلر:

گوتورون ویرون یالاندو

چول ائششه یه پالاندو 

سونرا باشچی یاتان اویونچودان سورغو سوروشور اودا یانیت وئرمه لی اولور: 

دره ده نه اولوب؟

_ ائششک

باشینا نه ییغیشیب؟

قارغا

نه تهر ائلئی

_قار_قور

بو سوزو ائشیدن اویونچولار, قار_قور دئیه رک یاتان اویونچونو قیدیقلاییرلار و اویون بیتیر.

نه یازیغ کی, اوز سوزوموز اولا_اولا ایندی شام آغاجینا کاج و قوز آغاجینا گیرده کان دئییرک.