اینانجلار

1_ آداخلی قیزین اوزوگون هانسی قیز باشینین آلتینا قویوب یاتسا, کیمی یوخودا گورسه اونونلا ائولنه جک.

2_ آدینا آخشامی اوشاغی یویوندورمازلار, اوشاق قورخار.

3_ آدینا آخشامی ائوده گرک بیر شئی بیشه, چونکی او گون اولولرین روح ائولره گلیر.

4_ آل آروادی نین آدی گلن چاغی, دئمه سن "خالاسی آغزی پوخلو" او زیانلیق توره در. 

5_ آی توتولاندا, میس قازانا آغاجلا دوگورلر, دئییرلر اوندا آی تئز آچیلار.

6_ عالم کبین کسنده بیلن گلین اوره گینده هرنه ایسته سه یئرینه یئتر.

7_ باشماقلارین, اوز_اوزونه بیر_بیرینین اوستونه مینسه, دئیرلر قوناغین گله جک. 

8_ بدن ده بیر توک وار, قورباندان_ قوربانا یویوناندا او ایسلانیر. 

9_ بیری یوخودا خورولداسا, گئدیب اونون باشماغینی چئویریرلر, دئییرلر خورولداماز. 

10_ بیرندن سوپورگه آلسان, اونون ائوی نین خیری و یا شری سوپور گه ده گلر. 

11_ بیری نین پایین یئسن دیلندن پای(یارا) چیخار. 

12_ چرشنبه آخشامی ائوین چراغین سحره کیمی سوندورمازلار. 

13_ الین ایچی قاشیناندا دئییرلر پول گله جک. 

14_ گلین ار ائوینه گلندن سونرا, الینده اولان گولو آرخاسینا آتیر, هانسی قیزین الینه دوشسه او تئز اره گئدر.

15_ گون باتان چاغی آغاج آلتیندا یاتما وورغو ویرارر. 

16_ گون باتان چاغی قاپی سوپورلمز, سوپورولسه خیر برکت قاچار. 

17_ خینا یاخدی گئجه سی, گلین هانسی قیزی ایسته سه تئز اره گئده, او بیلمه دن اونون ساچینا خینا یاخیر. 

18_ قارپیزین قابیغینی کیم یئسه کچل اولار. 

19_ سفره چیخان شخصین آرخاسینا سو آتارلار ساغ گئدیب_ساغ قاییدا.

20_ اوشاق تئزه اولاندا اونو بئشیگینه اینادان_سانجاقدان قویورلار, آل آروادی اونا یاخین گلمه سین

21_ اوشاغین آغزی سولو اولسا و چوخ سویو آخسا, دئییرلر دایی سینین جوراب ایله اونون آغزینی سیلسن سویو آخماز. 

22_ یئرین آلتیندا گوی اوکوز وار او بیر توکونو دبردنده, یئر دبریر. 

23_ دیش دوشنده آپریب سیچان دلیگینه آتییب دئییرلر: من سنه چوروک دیش وئردیم سن منه صدف دیش وئر.

24_ گئجه دیرناق توتمازلار آدامین عمرو گوده لر.

25_ هر انسانین گویده بیر اولدوزو وار, گویده هر بیر اولدوز آخاندا, بیر انسانین عمرو قوتاریر.

26_  هر کس چؤلمک یا قازان دیبی یالاسا،تویون­دا قار یاغار.

27_گؤی مونجوق آدامی­ بدنظردن ساخلایار.

...