نازلامالار_ لایلا لار

لای لای ائـو ائشیکینده  

یات بالام بئشیکینـــده 

بیر من بیردان اولــدوزی

دورموشوق کئشیکینده

............

لای لای بـــالام بئشیکـده 

بولبول اؤخـــــور ائشیکـده 

سن یات یــوخون آل گیلن 

من دورموشام کئشیکــده

............

لای لایینام چمــــن ده 

یئل اویناییب اسنــــده 

محبتــــــدن جؤشیرام 

سن سوتومو امنـــــده

.............

لای لای منیم  ببــه ییـم

بیرآرزوم بیر دیلــه ییـــــم

دارگــونده پیس آیــــــاقدا

سنسن منیم کـومه ییم

..............

لای لایینام گـــول بــالام

تئل لَــری سونبول بالام

کپنک دن سئرچـــه دن

یوخـوسو یونگول بالام

...........

لای لای دیلیـن دوز بالام

دیــل آچ گینـــان تئز بالام

مـن اوتوروم سن دانیش

شیرین شیرین سؤز بالام

............

لای لای آهـــو گـــــؤز بالام

لای لای شیرین سؤز بالام

گــــــؤزل لیکده دونیـــــــادا

تکدی منیـــــم اؤز بـــــالام

............

لای لایینــــام اؤز بــــالام

قاشــــی قارا گؤز بـــالام

دیلین بالدان شیرین دیر

دوداغینـــدا سؤز بالام

............

لای لای دئدیم یاتینـــا

گـــؤزله ره م اویانینجــا

زارا آمـــــانا گلـــــــــدیم

سن حاصیلا چاتینجا

.............

لای لای امـه ییم لای لای

دوزوم چـؤره ییم لای لای

تانــری دان عهدیم بـودور

 

گـؤروم کومه یین لای لای

...........

لای لاین سسی گــلر

یاتار یــــوخوسی گلر

اوزاق اوزاق یــؤللاردان

گلمیین دایــسی گـــلر

.............

لای لای دئیــم یاتـاسان

گــول غونچییه باتـاسان

گـول غونچه لر ایچینـده

شیرین یــــوخو تاپاسان

..............

لای لای دئدیم بویونجا 

باش یاسدیغا قویونجا 

یات سن گول یاتاغیندا 

باخیم سنه دویونجا

..............

داغلارین لالاسینا 

گوزلرین قاراسینا  

آنالارقربان اولسون 

ئوز کورپه بالاسینا