بس ندن وصلینه یتیشمدیم من

گئجه لر آختاردیم گونوزلر گزدیم

روحیمی قوپاردیم جانیمی ازدیم

آیریلیق دردینه نه قـــــدر دوزدوم

بس ندن وصلینه یتیشمدیـم من

غصنی تاپدادیـم کــــدری ووردیــــم

قضینن دوست اولدوم قدری وودورم

گلیشی خوشلادیم گئـدری ووردوم

بس ندن وصلینه یتیشمدیـــــم من

حیاتی گوزوون آغینا ساتدیـــــــم

دونیامی باتیددیم ئوزوم ده باتدیم

سنیله اویاندیم سنیله یاتدیــــــم

بس ندن وصلینه یتیشمدیــم من

هر شی دن بوشلادیم سنیله دولدوم

سنیله گوردیـم سنیــــــله سولــــدوم

نئچه یول قادانی جانیـــــــما آلدیــــــم

بس ندن وصلینـــه یتیشمدیــــــــم من

هجرینده آلیشدیم آتشه دوندیـــم

اودلارلا آلیشدیم اودلارلا سوندیــم

شوقینده دوغولدوم ذوقینده ئولدوم

بس ندن وصلینه یتیشمدیـــــم من

دنیزده دالغا تک قاریشدیم ایتدیـــــــــم

دردینده اود توتدیم آلیشدیم ایتدیـــــــم

اولومله دوست اولدوم باریشدیم ایتدیم

بس ندن وصلینــــــه یتیشمدیــــــم من

نچه یول وصلینده مکیه گلدیــم

مدیحه سویلدیم مدینه گلدیــم

من سنی تاپماغا دونیایه گلدیم

بس ندن وصلینه یتیشمدیم من

شعر از دوست عزیزم پرویز علیزاده