گله ر سن؟

بیر آه چکیب اورگیمدن آلیش سام

آلولانیـــب آلـــولارا قــاریش ســـام

کپنک تک اود ایچینده چالیش سام

                                                         یانیب، سونوب، کوله دونسم گله‌ر سن؟

اورگیمـــی اللریمـــده ساخلاســـام

دوره‌سینه دسته گـــوللر باغلاســـام

سن گلین‌جک هاوار چکیب آغلاسام

                                                           آخیب، چوشوب، سئله دونسم گله‌ر سن؟

تیک‌سم یــولا گــوزلریمین قاراســـین

تیر ساخلاســـام اورگیمـــین آراسـین

سرسم یولا داغین، داشین لالاسین

                                                         چیچک چیچک گوله دونسم گله‌ر سن؟

اوره‌گیمــین قانی آخســا گوزومــدن

جان قوتارسام بو جان آلان دوزومدن

غزل غزل بال سوزولسه سوزومـدن

                                                           بولبول اولوب دیله دونسم گله‌ر سن؟

سیزیلداییب بیر سئزلیــان نــی اولســام

هارای چکیب هــارایلارا هـــی اولســـام

هر لحظه یوز چیله چکمیش می اولسام

                                                                چیلـــه چیلـــه ایلـه دونسم گله‌ر سن؟

                                                                 یانیب، سونوب کوله دونسم گله‌ر سن؟