سیزلر اوچون بایرام دیلک لریم

سیزلر اوچون بایرام دیلک‌لریم*

سیزلر اوچون دیلک‌لریم وار،
آیدان آری، سودان دورو:

گله‌جک یولونوز هامار،
اوره‌یینیز ایشیقلی،
وجودونوز ساغلام،
یاشامینیز آنلاملی،
گون‌لرینیز شن،
کؤنول‌لرینیز گول تکین‌اولسون.

وارلیغیمیز قیزمار سئوگی‌لره،
یاشیللیغا،
اوسساللیغا، اینسانلیغا تام بویانسین.
یالان، جفنگ، سؤیلنتی بایرام تونقالیندا آلوولانسین.
دوشونجه‌میز لیللنمه‌سین،
دیلیمیز اوخول‌لاردا دیل آچیب، دیللنسین،
اؤزگورلوک قاناد آچسین،
برابرلیک ایشیق ساچسین.

گون گلسین،
تیکاندان چیچه‌یه،
گئریلیمدن اینکیشافا،
اوخلوسدان اولوسا،
میتوسدان لوگوسا
ظولمدن باریشا
یاریشا یاریشا کئچه‌‌ک

بیر دیله‌ییم ده دیلک‌لر باره‌سینده‌دیر،
سئویملی شاعیر دیلیندن:
"توکنمز رؤیالار دیله‌ییرم سیزه
و بیر نئچه‌سی چین اولاجاق چیلغین آرزی‌لار.
سیزه سئومک ایسته‌دییینیزی سئومه‌یی دیله‌ییرم
اونوتومالی اولدقلارینیزی اونوتماغی
سیزه چیلغینلیق، دینجلیک، باریش دیله‌یییرم.
سیزه قوش‌لا‌رین ماهنیسیلا
اوشاق‌لارین گولوش‌لریله اویانماغی دیله‌ییرم.
سیزه سارسیلمادان دایانماغی
دیله‌ییرم
بو زامانین دورغونلوندا، قایغیسیزلیغیندا،
اؤزه‌للیک‌له اؤزونوز کیمی اولماغینیزی دیله‌ییرم."

أرگه‌نه‌ گون، ۱۳۹۵

* یازینین یازاری ایواز طاها دیر.