شعر ............

نیسگیللره  آلیشمیشام

کدرلره  ساریشمیشام

چوخ آختاریب آریشمیشام

تاپا نمیرام  یاری  دوستلار

خیال توتقون اورک دولوب

آرزی قیزی ساچین یولوب

گئجه  منه  همدم  اولوب

نییه  اولمور یاری؟، دوستلار

سؤزوم یاساق نه جورآچیم

بوغولورام  هارا   قاچیم

ایندی اولوب قارا ساچیم

زیروه لرین قاری دوستلار

چؤنوب قیشا بوردا یایلار

قازاماتدی  تام  سارایلار

بوغولوبدو  های  هارایلار

ائل چالانمیرتاری دوستلار

من سئویرم دیل آچیلسین!

باهارگولسون گول آچیلسین

اریسین قار، سئل آچیلسین

سئوینج اولسون باری، دوستلار

کؤلگه لره گونش ساچسین

یال یاماجدا  گوللر آچسین

قفس سینسین بولبول قاچسین

بوغولسون بو، ساری دوستلار

ww w.m-islami.blogfa.com/   شعر:مسعود اسلامی