"آنا و آتایا حؤرمت"

اولو و قادیر تانرینین آدی ایله

هامییا بللی اولدوغو کیمی"آتا و آنایا سایغی"بوتون گنج(جوان)نسیل لریمیزه برکدن تاپشیریب

توصیه ائتدیگیمیز اؤنملی اساس لاردان بیریدیر یاش آرتیب اؤتن زاماندا بئلیمیزه یوکلنن مسئولیت لر

آرتدیقجا ظاهیرا آنا و آتایا قارشی اولان وظیفه لریمیزینده آزالدیغی گؤرونور آنجاق بئله دئییل;

اؤرنک اوچون ائولنیب موستقیل بیر یاشام قورماق اونلارا قارشی اولان مسئولیت لریمیزی ده

ایکینجی پیلانا آتماغیمیزی گرکدیرمیر اؤزللیکله یاشلی و خسته اولان آنا و آتایا صاحاب چیخیب

اونلاری یالقیز بوراخماماق هر تک تکیمیزین بورجودور بونو اونوتمامالییق اولسون اگر ائولی اولساق دا,

اونلار کئچمیشده اولان مادی و معنوی سیخینتیلار ها بئله هر جور تکنولوژی ایمکانات لاردان اوزاق

اولماقلارینا باخمایاراق بیزی ان گوزل شکیلده تربیت ائدیب توپلوما سونموشلار(دئملی بو شراییط

چاغداش آنا آتالاردان چوخ اسکی چاغ آنا آتالاریمیزا صیدق ائدیر) ایندی اوز آیاق لاریمیز اوسته

دورماغی باجاردیقدان سونرا اونلارین تیتره ین اللرینی بوراخماق نه اینسانلیق فلسفه سینه و نه ده

حؤرمت چرچیوه سینه سیغار بیزیک اونلارا ییه دوروب عینی زاماندا سایغی و حؤرمتی اسیرگمه یرک

وئردیک لری امک لرین بیر قیسمینی یئرینه گتیرمه لییک و سون اولاراق بونو وورغولاماق ایستییرم;

نئجه کی بیزلر هر بیر آزربایجانلی قادین و یا ارکک اولاراق توپلوم ایچینده دوزگون داورانیب دوغرو

دئبشمک ایله ساییر(اوبیری) وطنداشلاریمیزا اؤرنک(الگو) اولمالییق عینی زاماندا ائوین قوجاسینا

(ایستر آنا آتا ایستر ننه بابا اولسون)حؤرمت بسلهیه رک گرچک بیر آزربایجانلی اولدوغوموزو ایثبات ائدک

بلکه ده آنا ایله آتا دیر وطن دئدیگیمیز تورپاق

وطنده آنا کیمی دؤزوملو آتا کیمی دایاقلی دئییل می؟!

کیم بیلیر بلکه ....

آیتک_آزربایجان

.