سئوگی و اینترنت - یازاری : آلپای آدلی تورک

سئوگی و اینترنت  

بیرینجی تانیشمادا او منی تانیدی ، اینترنت صایفالاریندا گزه رکن ، منی اؤز توپلوملارینا چاغیردی، هر ایکیمیز میللتچی ، هر ایکیمیز عیللت دالینجا ، نییه ...؟ نه ده ن...؟ نئجه ...؟ و بئله سورغولارلا تانیشماغیمیز داها آرتیقلاشدی.

او منیم سئودیگیمی و اونا اینادیغیمی بیلمیردی و من گیزلی – گیزلی هرگون هر گئجه اونو داها آرتیق سئویردیم و اونونلا یاشاماغا بیر آرزو گؤزونده باخیردیم.

بو آرادا آرامیزدا اولان میللتچیلیک کلیمه سی منی داها آرتیق سوسدورور و ایچیمده کی چیغیرتیلاری دوندورور و بو سئوگینین گیزلی قاماغینا چاغیریر. 

داها بو دورومدا یاشاماغی ایسته میره م ، ایسته میره م بو کیمسیزلیگی ، ایسته میره م بو اوغرولوق سئوگینی، ایسته ییره م بو قفسده ن اؤزومو قورتارام ، قانادلانام و اونو سئودیگیمی دونیایا یایام ، اودا بیلسین ، دونیادا بیلسین سئویره م سئویره م سئویره م . ائلیمی سئویره م ، دیلیمی سئویره م ، دونیانین ان گؤزه للیگینی دنیزی دنیزی دنیزی سئویره م ، من دنیزی سئویره م. 

باغریم چارتلاما ، کؤنلوم پارتلاما ، اؤره گیم دویونمه ، سینیرلی باخما منه ، قوی بو سئوگی گیزلی – گیزلی سئویلسین، من منسیزلیکده سنسیزلیک آنلاریمی سئومه یی سئویره م، اوغورلوق یا آچیق یالنیز سنی ، سنی ، سنی سئویره م.