درباره من

دونن یوخودا گؤردوم کی اؤلموشم.

بیرینجی گون بیر آغ دونلو ملک منه یاخینلاشیب سوُردو نه ایسته ییرسن؟؟
دئدیم : سو .دئدی او داغدا بیر بولاغ وار.یولا دوشدوم.بیر بویوک بولاغ ایدی.دویونجا سو ایچدیم.

اوچونجو گون همن ملک یاخینلاشیب سوُردو نه ایسته ییرسن؟؟
دئدیم: سو.دئدی او داغدا سو وار.بولاغ خیردالانمیش ایدی.سو ایچدیم.

یئددینجی گون سوُردو نه ایسته ییرسن؟ دئدیم سو.دئدی داغدا سو وار.بولاغ چوخ خیردالانمیش ایدی.سو ایچدیم.

قیرخ گون کئچدی، یئنه ده سوُردو نه ایسته ییرسن؟ سوسوزوزلوقدان تئز دئدیم سو.دئدی داغدا سو وار.آما بو دفا داغدا سو آزالمیشدی.ساده جه اوچ دورد دامجی سو گلیردی.

قاییدیب سؤال وئردیم : بس ندن بئله ؟!

دئدی بیرینجی گون دوسلارین،یاخینلارین، آشکین و آنان سنه آغلادیلار.اوچونجو گون آشکین ، دوسلارین و آنان.یئددینجی گون دوسلارین و آنان.آما قیرخینجی گون ساده جه آنان.و بو اوچ دورد دامجی همه شه سنه قالاجاق.یوخودان آییلیب آنامین آیاغین اؤپدوم.
ایندی بیلیرم کی آشک ساده جه آنامدیر.

 

درج شده در تاریخ ۹۳/۱۱/۰۸ ساعت 20:40

کاربران آنلاین (1)

Ali Hatami