کوسموشم

فلک سنین چارخین نه پیس دولانیر 

غم وئریسن غم اوستونه قالانیر

اینصاف ائله کونلوم ائوی تالانیر

گئن دونیانین دارلیغینا دوشموشم

سیزلاییر تار کیمی قلبیمین باشی

اله نیر سیزقیننان گوزومون یاشی

یازیمی یازیبدیرائله بیل ناشی

کیمسه دن یوخ اقبالیمدان کوسموشم

سوزیروه دن آخار گئدر ده رییه 

کوره لیرم سیغیشمیرام ده رییه

که ده ریمدن آزقالیر یاد ارییه

اوز ائلیمده دیلسیز کیمی سوسموشام

حکیم تاپسام گوسته ره رم یارامی

جوشقون سئلدن سوراغلارام سارامی

من ایلقارام تانری کسمه چارامی

چاراسیزلیق اولکه سینه دوشموشم